Kunnskapsdepartementet

Kunnskapsdepartementet (KD) er eit norsk departement som blei oppretta 1. januar 2006 som ei vidareføring av Utdannings- og forskingsdepartementet.

Kunnskapsdepartementet

Type	Departement
Virkefelt	Noreg
Skipa	1814
Statsrådar	Tonje Brenna (Ap) og Ola Borten Moe (Sp)
Hovudkontor	Kirkegata 18, Oslo
Fokus	Utdanning i Noreg
Tilsette	323 (2014)
Nettside	https://www.regjeringen.no/no/dep/kd/id586/

Kunnskapsminister Tonje Brenna (Ap)

Forskings- og høgare utdanningsminister Ola Borten Moe (Sp)

Kunnskapsdepartementets tidlegare lokale i Oslo

Foto: Alejandro Decap

Ansvarsområde:

• Grunnskule og vidaregåande opplæring
• Forsking og høgare utdanning
• Barnehagar

Den 20. oktober 2021 vart Tonje Brenna frå Arbeidarpartiet Noregs Kunnskapsminister, og forskings- og høgare utdanningsminister var det Ola Borten Moe frå Senterpartiet som vart.

Historie

• Noreg fekk eit eige departement for utdanningssaker allereie frå 17. november 1818 då Kyrkje- og undervisingsdepartementet blei etablert.
• Under Kåre Willoch si regjering blei dette departementet i 1982 delt og ansvaret for kultursaker, høgare utdanning og forsking blei overført til det nye Kultur- og vitskapsdepartementet.
• I 1990 blei dei to departementa reorganiserte. Dei to nye departementa var Kyrkje- og kulturdepartementet og Utdannings- og forskingsdepartementet.
• I 1991 blei kyrkjesakene flytta, og departementa fekk namna Kulturdepartementet og Kyrkje-, utdannings- og forskingsdepartementet.
• Frå 1. januar 2002 blei dette endra på nytt, og namna på departementa blei Utdannings- og forskingsdepartementet og Kultur- og kyrkjedepartementet.
• Frå 1. januar 2006 blei Utdannings- og forskningsdepartementet endra til Kunnskapsdepartementet.

Den første leiaren i departementet var Øystein Djupedal frå Sosialistisk Venstreparti, han blei sidan avløyst 18. oktober 2007, då departementet blei delt mellom statsrådane Bård Vegar Solhjell og Tora Aasland, begge frå Sosialistisk Venstreparti. Frå 20. oktober 2009 var Kristin Halvorsen frå Sosialistisk Venstreparti kunnskapsminister. Tora Aasland heldt fram som statsråd i departementet med ansvar for forsking og høgare utdanning.