Maxwell’s Silver Hammer
| Maxwell's Silver Hammer Song av The Beatles frå albumet Abbey Road | ||
| Utgjeve | 26. september 1969 | |
| Innspelt | 9–11. juli, 6. august 1969 | |
| Sjanger | ||
| Lengd | 3:27 | |
| Selskap | Apple Records | |
| Komponist | John Lennon, Paul McCartney | |
| Tekstforfattar | John Lennon, Paul McCartney | |
| Låtskrivar(ar) | Lennon–McCartney | |
|---|---|---|
| Produsent | George Martin | |
«Maxwell's Silver Hammer» er ein song av The Beatles på albumet Abbey Road frå 1969.
«Maxwell's Silver Hammer» er skriven av Paul McCartney, men er på vanleg vis tilskriven Lennon/McCartney. Bandmedlem George Harrison skildra i 1969 songen som «ein av dei umiddelbart nynnbare songane som nokre hatar og andre verkeleg likar. Det er ein morosam song, skjønt han er eigentleg ganske sjuk sidan Maxwell held på å drepe folk...»
Stilen er «vaudevilsk», det vil sei ei form for amerikansk-engelsk folkeleg revysong som var populær i tida 1880-1920 og teksten handlar om medisinstudenten Maxwell Edison som ved hjelp av hammaren sin i sølv drep veninna si, læraren sin og til slutt ein dommar. I følgje McCartney symboliserer songen nedturane i livet. Han sa i 1994:
- «Maxwell's Silver Hammer» er min analogi for når noko brått går gale, som det så ofte gjer, slik som eg sjølv starta å finne ut av på denne tida i livet mitt. Eg ønskte noko symbolsk for dette, slik at for meg var dette den oppdikta figuren Maxwell med ein sølvhammar. Eg veit ikkje kvifor hammaren måtte vere av sølv, men det høyrdest betre ut enn berre 'Maxwell's hammer'. Vi nyttar framleis det uttrykket når noko uventa skjer...
Det tok tre dagar å legge lyd på lyd (overdubbing) fordi McCartney såg for seg at han kunne verte ein framtidig singel. John Lennon fortalte seinare at McCartney «gjorde alt for å gjere han om til ein singel, men men det var han aldri og ville aldri kunne verte det heller». I følgje Lennon brukte The Beatles meir pengar på denne eine songen enn på nokre andre på Abbey Road.
Medverkande
endre- Paul McCartney – solo- og korvokal, piano, elektrisk gitar, Moog synthesiser
- George Harrison – korvokal, akustisk gitar, 6-strengsbass
- Ringo Starr – korvokal, trommer, ambolt
med:
- George Martin – orgel
- Personell i følgje Ian MacDonald,[4] Andy Babiuk[5] og Mark Lewisohn[6]
I studioversjonen av songen var det Starr som slo på ambolten;[6] medan i Beatles-filmen Let It Be, kan ein sjå Mal Evans slå på ambolten medan The Beatles øver på songen.
Kjelder
endre- ↑ Mulligan 2010, s. 127.
- ↑ https://www.allmusic.com/song/maxwells-silver-hammer-mt0010100293
- ↑ Gould, Jonathan (2008). Can't Buy Me Love: The Beatles, Britain, and America. Random House. s. 578. ISBN 0-307-35338-9. «... the song is a preternaturally catchy music-hall number ...»
- ↑ MacDonald 2005, s. 357.
- ↑ Babiuk 2002, s. 256.
- ↑ 6,0 6,1 Lewisohn 1988, s. 179.
- Denne artikkelen bygger på «Maxwell's Silver Hammer» frå Wikipedia på bokmål, den 11. februar 2009.
- Wikipedia på bokmål oppgav desse kjeldene:
- The Beatles Ultimate Experience Database
- Turner, Steve. A Hard Day's Write: The Stories Behind Every Beatles' Song, Harper, New York: 1994
- Babiuk, Andy (2002). Beatles' Gear: All The Fab Four's Instruments, from Stage to Studio (Second Revised utg.). London: BackBeat Books (Outline Press). ISBN 0-87930-731-5.
- Lewisohn, Mark (1988). The Beatles Recording Sessions. New York: Harmony Books. ISBN 0-517-57066-1.
- MacDonald, Ian (2005). Revolution in the Head: The Beatles' Records and the Sixties (Second Revised utg.). London: Pimlico (Rand). ISBN 1-84413-828-3.
- Mulligan, Kate Siobhan (1. juli 2010). The Beatles: A Musical Biography. ABC-CLIO. ISBN 0-313-37686-7.
Bakgrunnsstoff
endre- Heile songteksten på MetroLyrics
- Animasjon til songen Arkivert 2006-08-21 ved Wayback Machine.