May-Britt Moser
May-Britt Moser (fødd 4. januar 1963 i Fosnavåg) er ein norsk psykolog og professor ved NTNU, der ho er leiar for Centre for Neural Computation[1]. I 2014 fekk ho Nobelprisen i medisin saman med eksmannen Edvard Moser og deira faglege mentor John O'Keefe, som starta forskinga dei fekk prisen for.[2] Prisen vart tildelt for deira arbeie på gitterceller i entorhinalkorteks.
_(cropped).jpg)
Nobelprisen i medisin
2014
Moser har doktorgrad frå Universitetet i Oslo. Ho har særleg bidrege betydeleg innanfor studiet av hippocampus, med særleg vekt på hugset og evna til romleg orientering.
Utdanning og forskning
endreMay-Britt Moser vart utdanna psykolog frå Universitet i Oslo i 1990. Ho fullførte doktorgraden i nevrofysiologi ved Universitet i Oslo i 1995,[3] med rettleiing frå professor Per Andresen. May-Britt Moser var postdoc ved senteret for nevrovitenskap, Universitet i Edinburgh, Skottland, frå 1994 til 1996. I denne perioden var jobba ho også ved laboratoriet til John O'Keefe ved University College London i to månadar.
May-Britt Moser vart utnemnd til fyrsteamanuens i biologisk psykologi ved NTNU i 1996, og professor i nevrovitenskap i 2000.
Referansar
endre- ↑ «Leaders», ntnu.edu. Vitja 6. oktober 2014.
- ↑ The 2014 Nobel Prize in Physiology or Medicine - Press Release Nobelprize.org. Vitja 6. oktober 2014.
- ↑ Moser, M-B. (1995). Structural correlates of spatial learning in the hippocampus of adult rats. Thesis for the degree of Ph.D, University of Oslo (Defended, 9 December 1995)
Bakgrunnsstoff
endre- Publikasjonar av May-Britt Moser i forskingsdokumentasjonssystemet Cristin