May Britt Lagesen
May Britt Lagesen (fødd 18. februar 1971) er ein norsk politikar for Ap som vart medlem av Trøndelag fylkesting i 2018, då ho òg vart leiar i hovudutvalet for kultur.[1][2] Ved stortingsvalet 2021 vart ho første vararepresentant til Stortinget frå Nord-Trøndelag.
| May Britt Lagesen | |||
.jpg) | |||
| Fødd | 18. februar 1971 (53 år) Steinkjer kommune | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar, barnevernspedagog | ||
| Alle verv |
| ||
Biografi endre
May Britt Lagesen er utdanna barnevernspedagog frå Høgskolen i Harstad frå 1998 og har hatt sitt yrke i offentleg sektor. Ho var einingsleiar for bustadar for funksjonshemja i Steinkjer kommune før ho vart varaordførar i 2011. Ho har òg vore fylkessekretær i Fellesorganisasjonen for barnevernspedagogar, sosionomar og vernepleiarar i Nord-Trøndelag i fire år.
Lagesen melde seg inn i Arbeidarpartiet i 2002. I 2003 vart ho medlem av Steinkjer kommunestyre og formannskap. Lagesen var leiar i kommunestyregruppa til Arbeidarpartiet og varaordførar i Steinkjer frå 2011 til 2013. I 2013 vart ho med i Nord-Trøndelags fylkesråd for utdanning og kultur, noko ho var fram til samanslåinga av Nord- og Sør-Trøndelag i 2018.[3] I 2015 vart ho òg innvald i Nord-Trøndelag fylkesting. Lagesen har vore nestleiar i Nord-Trøndelag Arbeidarparti.[4]
Ved stortingsvalet 2021 vart ho vald til første vararepresentant for Ap til Stortinget frå Nord-Trøndelag. Den 14. oktober 2021 vart ho fast møtande vararepresentant for statsråd Ingvild Kjerkol.
Kjelder endre
- ↑ «May Britt Lagesen». Stortinget.no.
- ↑ Rossing, Sivert (4. oktober 2017). «Nå er det endelig klart: Han blir Trøndelags ordfører». Arkivert frå originalen 1. mai 2018. Henta 30. april 2018.
- ↑ Rossing, Sivert (30. april 2013). «Lagesen blir ny fylkesråd». Arkivert frå originalen 1. mai 2018. Henta 30. april 2018.
- ↑ Kvam, Eivind (8. februar 2012). «Ny lederduo i Ap». Arkivert frå originalen 1. mai 2018. Henta 30. april 2018.
- Denne artikkelen bygger på «May Britt Lagesen» frå Wikipedia på bokmål, den 18. november 2021.
