Melodi Grand Prix 2004

Melodi Grand Prix 2004 var den 42. utgåva av Melodi Grand Prix, Noregs nasjonale uttaking til Eurovision Song Contest. Tolv finalistar deltok i finalen 6. mars 2004 som blei arrangert i Oslo Spektrum i Oslo. Vinnarlåten blei «High», framført av Knut Anders Sørum. Songen er komponert av Thomas Thörnholm og Lars Andersson, med tekst av Dan Attlerud. Sørum representerte Noreg i den internasjonale finalen i Istanbul og kom på 24. og siste plass med 3 poeng. Dette var Noregs tiande sisteplass i Eurovision Song Contest.

Melodi Grand Prix 2004
Dato
Finale	6. mars 2004
Vertskap
Finale	Oslo Spektrum, Oslo
Programleiar	Ivar Dyrhaug
Kringkastar	Norsk rikskringkasting
Deltakarar
Deltakarar	12
Vinnar
Song	«High»
Artist	Knut Anders Sørum
Resultat i Eurovision Song Contest 2004
Finalepoeng	3
Finaleplass	24.
Noreg i Eurovision Song Contest
Melodi Grand Prix 2003 Melodi Grand Prix 2005

Sendinga

Også dette året opna NRK for at utanlandske låtskrivarar kunne levere bidrag i den opne konkurransen, noko som førte til at utlendingar stod heilt eller delvis bak halvparten av finalelåtane. Til saman kom det inn 530 låtar til tevlinga, og tolv av dei blei plukka ut til finalen laurdag 6. mars.

Finalen gjekk nok ein gong av stabelen i Oslo Spektrum, og Ivar Dyrhaug var programleiar for første gong sidan 1983. Deltakarlåtane blei presenterte veka før finalen, og sjåarane kunne SMS-røyste på favorittane sine heile veka før finalen.

Dei fleste deltakarane var ukjende for dei fleste sjåarane, med Arlene Wilkes og Idol-deltakar Rebecca Ludvigsen som unntak.

Også dette året blei resultatet avgjort fullt ut av sjåarane sine telefon- og SMS-røyster. Først blei dei tolv finalemelodiane spelte ein gong, før publikum fekk røyste. Etter ein halvtimes sendepause begynte del to med røystinga for første runde. Dei fire best plasserte songane gjekk vidare til superfinalen, og publikum fekk røyste om att. I den andre røysterunden talde kvar telefonrøyst eitt poeng, og til slutt vann balladen «High» med over 26 000 røyster meir enn «This Is Where You Got It From». Dette var første gang utlendingar stod bak vinnaren av Melodi Grand Prix, for «High» var skriven av tre svenskar.

Resultat

Første runde

Nr.	Tittel	Artist	Komponist	Tekstforfattar	Poeng	Plass
A	«I Don't Understand Her»	Aslak J. Johnsen	Aslak J. Johnsen, Benjamin Sletten og Anders Bjørknes		19	7
B	«The Way I Feel»	Maria Moe	Kyrre Fritzner og Maria Moe	Maria Moe	10	10
C	«Crazy Things»	Wig Wam	Wig Wam		34	4
D	«Mr. Brown»	Ja-Da	Ivan Jonas og Maxim Popov		31	5
E	«1000 And One Nights»	Rebecca Ludvigsen	David Clewett, Yak Bondy og Ivar Lisinski		41	3
F	«Crying»	Christian Hovda	Arne Hovda og Per Kristian Ottestad		0	11
G	«What Do You Think I Am»	Dilsa	Kim Bergseth, Dilsa Calimi	Tristan De la Villier og Dilsa Calimi	16	8
H	«See the World»	Svein Lindland	Dag Lauvland		30	6
I	«Sunshine»	Malin Schavenius	Michael Lundh, Quint Starkie og Anna Sahlin		0	11
J	«High»	Knut Anders Sørum	Thomas Thörnholm og Lars Andersson	Dan Attlerud	50	1
K	«I Knock on Wood»	Lisa Marie Strandengen	Glenn Gulli og Åsmund Ruud	Åsmund Ruud	11	9
L	«This Is Where You Got It From»	Arlene Wilkes	Torbjörn Wassenius og Claes Andreasson		48	2

Superfinale

Nr.	Tittel	Artist	Komponist	Tekstforfattar	Stemmer	Plass
C	«Crazy Things»	Wig Wam	Wig Wam		48 920	3
E	«1000 And One Nights»	Rebecca Ludvigsen	David Clewett, Yak Bondy og Ivar Lisinski		46 675	4
J	«High»	Knut Anders Sørum	Thomas Thörnholm og Lars Andersson	Dan Attlerud	82 427	1
L	«This Is Where You Got It From»	Arlene Wilkes	Torbjörn Wassenius og Claes Andreasson		56 281	2

Røysting

I første røysterunde gav kvar landsdel 1–8, 10 og 12 poeng ut frå kor mange telefon- og SMS-røyster dei ulike bidraga fekk. Dei fire beste bidraga gjekk vidare til superfinalen.

Nr.	Tittel	Nord-Noreg	Sør-Noreg	Vest-Noreg	Midt-Noreg	Aust-Noreg	Totalt
A	«I Don't Understand Her»	5	4	4	5	1	19
B	«The Way I Feel»	2	2	1	3	2	10
C	«Crazy Things»	6	6	7	7	8	34
D	«Mr. Brown»	12	5	5	6	3	31
E	«1000 And One Nights»	7	7	8	12	7	41
F	«Crying»						0
G	«What Do You Think I Am»	3	3	3	1	6	16
H	«See the World»	4	12	6	4	4	30
I	«Sunshine»						0
J	«High»	10	8	12	8	12	50
K	«I Knock on Wood»	1	1	2	2	5	11
L	«This Is Where You Got It From»	8	10	10	10	10	48

Superfinalen

Dei fire beste låtane frå første runde gjekk vidare til superfinalen. Her blei låtane framførte om att, og tv-sjåarane røysta på nytt. No talde kvar røyst eitt poeng. Poenga i tabellen under motsvarar altså mottatte telefon- og SMS-røyster.

Nr.	Tittel	Nord-Noreg	Vest-Noreg	Sør-Noreg	Midt-Noreg	Aust-Noreg	Totalt
C	«Crazy Things»	5 498	8 043	7 867	6 452	21 060	48 920
E	«1000 And One Nights»	5 073	9 654	7 208	8 309	16 431	46 675
J	«High»	7 295	13 273	11 914	8 080	41 865	82 427
L	«This Is Where You Got It From»	4 701	9 137	8 349	5 691	28 403	56 281

Hendingar

Finalen blei sett av 1 228 000 sjåarar, noko som motsvarar 75 prosent av alle som såg på tv i det aktuelle tidsrommet sendinga gjekk.

Det norske bidraget kom sist i Eurovision Song Contest og fekk berre 3 poeng – alle frå Sverige. Sisteplassen gjorde at Noreg måtte gjennom ein semifinale i den internasjonale finalen året etter.