Händels Messias

Händels Messias (original tittel The Messiah) er det mest kjende oratoriet til den tyskengelske komponisten Georg Friedrich Händel.

Händel komponerte oratoriet i tida frå 22. august til 14. september 1741, og det vart urframført i Dublin 13. april 1742. I mars året etter sette han verket opp i London, til stor begeistring, og sidan sette Händel verket opp kvart år, i noko ulike versjonar. Händel sette gjerne verket opp til inntekt for hittebarnhospitalet i London.

Teksten

Det tekstlege grunnlaget for oratoriet er spreidde bibelord samanstilte av presten Charles Jennens. Tekstane gjev eit bilete av Jesus Kristus og hans frelsargjerning.

Mozart omarbeidde verket i 1789, og denne moderniserte versjonen vart utgjeven i 1803. Sidan er både Händels og Mozarts versjonar vorte brukte.

Verket har tre delar. Den første delen inneheld profetiar om Messias, flest frå profeten Jesaia, nokre frå juleevangeliet. Oratoriet opnar med ein ouverture som kan gje assosiasjonar til nøden og uroa i ei verd som ventar på Messias, og sidan vekslar det mellom ein glad adventstemning og ein alvorleg manande tone. Den andre delen tar opp Jesu lidingshistorie gjennom tekstar frå Det gamle testamentet og brevtekstar frå Det nye testamentet. I den tredje delen er trua på ein oppstanden og levande frelsar gjennomgangstemaet.

1. delen	Advent og jul
Nr.	Tittel	For	Tekstgrunnlag
1.	Ouverture	Symfoni	(Orkesterforspel)
2.	Comfort ye my people	Recitativ for tenor	Jes. 40,1-3
3.	Every valley shall be exalted	Arie for tenor	Jes. 40,4
4.	And the glory of the Lord	Kor	Jes. 40,5
5.	Thus saith the Lord	Recitativ for bass	Hag. 2,6-7; Malakis bok 3,1
6.	But who may abide the day og his coming	Arie for bass	Mal. 3,2
7.	And He shall purify	Kor	Mal. 3,3
8.	Behold! A virgin shall conceive	Recitativ for alt	Jes. 7,14- Mat. 1,23
9.	O thou that tallest good tidings to Zion	Arie for alt og kor	Jes. 40,9 og 60,1
10.	For behold, darkness shall cover the earth	Recitativ for bass	Jes. 60,2-3
11.	The people that walked in darkness	Arie for bass	Jes. 9,2
12.	For unto us a Child is born	Kor	Jes. 9,6
13.	Pastorat Symphony	Symfoni for orkester	(gjetarmusikk)
14.	There were shepherds abiding in the field	Recitativ for sopran	Luk. 2,8
	And lo! The angel of the Lord came upon them	Recitativ for sopran	Luk. 2,9
15.	And the angel said unto them	Recitativ for sopran	Luk. 2,10-11
16.	And suddenly there was with the angel	Recitativ for sopran	Luk. 2,13
17.	Glory to God	Kor	Luk. 2,14
18.	Rejoice greatly, O daughter of Zion	Arie for sopran	Sak. 9,9-10
19.	Then shall the eyes of the blind be opened	Recitativ for alt	Jes. 35,5-6
20.	He shall feed His flock like a shepard	Arie for alt	Jes. 40,11 – Mat. 11,28-29
21.	His yoke is easy, and his burthen is light	Kor	Mat. 11,30
2. delen	Jesu liding
22.	Behold the Lamb of God	Kor	Joh. 1,29
23.	He was despised	Arie for alt	Jes. 53,3 og 50,6
24.	Surely He hath borne our grieves	Kor	Jes. 53,4-5
25.	And with His stripes we are healed	Kor	Jes. 53,5
26.	All we like sheep gone astray	Kor	Jes. 53,6
27.	All they that see Him, laugh Him to scorn	Recitativ for tenor	Sal. 22,8
28.	He trusted in God that He would deliver Him	Kor	Sal. 22,9
29.	Thy rebuke hath broken His heart	Recitativ for tenor	Sal. 69,20
30.	Behold, and see if there be any sorrow	Arie for tenor	Klag 1,12
31.	He was cut off out of the land of the living	Recitativ for tenor	Jes. 53,8
32.	But Thou didst not leave His soul in hell	Arie for tenor	Sal. 16,10
33.	Lift up your heads	Kor	Sal. 24,7-10
34.	Unto which of the angels said He	Recitativ for tenor	Hebr. 1,5
35.	Let all the angels of God worship Him	Kor	Hebr. 1,6
36.	Thou art gone up on high	Arie for bass	Sal. 68,19
37.	The Lord gave the word	Kor	Sal. 68,12
38.	How beautiful are the feet of them	Arie for sopran	Rom. 10,15
39.	Their sound is gone out into all lands	Kor	Rom. 10,18
40.	Why do the nations so furiously rage together	Arie for bass	Sal. 2,1-2
41.	Let us break their bonds asunder	Kor	Sal. 2,3
42.	He that dwelleth in heaven	Recitativ for tenor)	Sal. 2,4
43.	Thou shalt break them	Arie for tenor	Sal. 2,1-2
44.	Hallelujah!	Kor	Op. 19,6; 11,15; 19,16
3. delen	Frelsa
45.	I know that my Redeemer liveth	Arie for sopran	Job 19,25-26; 1. Kor. 15,20
46.	Since by man came death	Kor	1. Kor 15,21-22
47.	Behold, I tell you a mystery	Recitativ for bass	1. Kor 15,51-52
48.	The trumpet shall sound	Arie for bass	1. Kor 15,52-53
49.	Then shall be brought to pass	Recitativ for alt	1. Kor 15,54}
50.	O death, where is thy sting?	Duett for alt og tenor)	1. Kor 15,55-56
51.	But thanks be to God	Kor	1. Kor 15,57
52.	If God be for us, who van be against us?	Arie for sopran	Rom. 8,31b + 33-34
53.	Worthy is the Lamb that was slain ; Amen	Kor	Op. 5,12-13;

Oppføringar

Sjølv om Händel først sette opp Messias til påske, vert oratoriet i Noreg helst assosiert med julemusikk. I rein speletid, utan pauser, inneheld verket musikk for om lag 2 timar og eit kvarter. Av den grunn er det helst utval av satsar som vert sett opp til ein konsert, då gjerne slik at utvalet av satsar harmonerer med tida på året.

Hallelujakoret vil likevel vere eit fast innslag på alle oppføringar. Tradisjonen seier at kong Georg II reiste seg då han høyrde Hallelujakoret framført. Etter det er det blitt skikken at tilhøyrarane reiser seg under Hallelujakoret.

Kjelder:

G.F. Handel The Messiah, G. Shirmer Inc., 1912, (red: T. Tertius Noble, rev. av Max Spicker) ISBN 0-7935-0507-0.
Kristen sang og musikk, Runa forlag, 1962 (red. Lars Aanestad, Karsten Ekorness, Sigurd Lunde og Johan B. Straume).
Cappelens musikkleksikon, Cappelen forlag, 1979, (red. Kari Michelsen) ISBN 82-02-03687-9.