MiRee Abrahamsen

Britt MiRee Abrahamsen (fødd 7. august 1973) er ein norsk forfattar, biletkunstnar, journalist og lærar frå Tromøya i Arendal.

MiRee Abrahamsen
MiRee Abrahamsen under Feministturneen i 2013. Foto: Grethe Tvede (AAbk)
Nasjonalitet	Norsk
Statsborgarskap	Noreg
Fødd	7. august 1973 (51 år)
Periode	1999-
Debut	Ankeret i apegården

Abrahamsen har studert kunst og språk i ulike delar av verda, mellom faga er russisk samtidslitteratur og klassisk arabisk. Ho har reist mykje i mellom anna Europa, Midtausten, Nord-Afrika og det tidlegare Sovjetunionen, og har som kunstnar hatt utstilling i fleire av desse landa, som Syria, Libanon og Dei sameinte arabiske emirata. Ho har òg stilla ut heime på Sørlandet, i Risør, Arendal og Kristiansand.

MiRee Abrahamsen debuterte som forfattar i 1999 med lyrikk. Den andre boka, I skyggen av Qassioun, er ein roman om ein arabisk familie i Damaskus, medan dei to neste romanane er lagt til Sørlandet. Forfattaren er blitt nominert til Sørlandets litteraturpris tre gonger.

Verkliste

• Ankeret i apegården, dikt, 1999
• I skyggen av Qassioun, prosa, 2001
• Bols, roman, 2002
• Daviti, roman, 2004
• Det ville Østen 2012

Bakgrunnsstoff

• Digitaliserte bøker av MiRee Abrahamsen hjå Nasjonalbiblioteket
• Utgjevingar av MiRee Abrahamsen i Biblioteksøk
• Utgjevingar av MiRee Abrahamsen i BIBSYS Ask