Miao
Miáo 苗 er namnet på ei folkegruppe frå Søraust-Asia. I Folkerepublikken Kina, der dei fleste av dei bur, kallast dei Miáo, i Vietnam mèo eller h'mông, Thailand แม้ว (maew) eller ม้ง (mong), og i Burma mun lu-myo. I Kina vert dei rekna til dei 55 offisielt anerkjende minoritetsfolka.
I Kina held dei til i provinsane Guizhou, Hunan, Yunnan, Sichuan, Guangxi, Hainan, Guangdong og Hubei. Frå Kina var det for fleire hundre år sidan ei utvandring sørover, til Søraust-Asia. Etter den kommunistiske maktovertakinga i Laos i 1975 flykta store grupper hmong/mong til ei rekkje vestlege land, særleg til USA, Frankrike og Australia.
Dei fleste miaofolk bur i Kina. Miaobefolkninga har ifølge offisielle tal vakse slik:
- 1953: 2 510 000
- 1964: 2 780 000
- 1982: 5 030 000
- 1990: 7 390 000
3 600 000 av dei, det vil seie halvparten, budde i Guizhou i 1990.
Det er også 2 millionar miaofolk utanfor Folkerepublikken Kina, særleg i Vietnam, Laos, Myanmar, Thailand, Taiwan, Kambodsja og på andre kontinent.
Kjelder
endre- Denne artikkelen bygger på «Miao» frå Wikipedia på bokmål, den 16. september 2009.
.
Denne artikkelen treng referansar for verifikasjon. |