Mick Woodmansey

Mick «Woody» Woodmansey (fødd 1951) er ein engelsk trommeslagar frå Driffield i Yorkshire, mest kjend for arbeidet sitt med David Bowie og The Spiders from Mars. Han spelte på Bowie-albuma The Man Who Sold the World (1970), Hunky Dory (1971), The Rise and Fall of Ziggy Stardust and the Spiders from Mars (1972) and Aladdin Sane (1973).

Mick Woodmansey
Statsborgarskap	Storbritannia
Fødd	4. februar 1951 (73 år) Driffield
Yrke	trommeslagar
Språk	engelsk
Medlem av	The Arnold Corns, The Spiders from Mars
Nettstad	http://www.woodywoodmansey.co.uk

Woodmansey vart erstatta i The Spiders from Mars av Aynsley Dunbar, som spelte på det neste albumet til Bowie i 1973, Pin Ups. Woodmansey danna The Spiders from Mars for eitt album, i lag med bassisten Trevor Bolder. Dei måtte nytte Dave Black på sologitar fordi Mick Ronson var utilgjengeleg og Pete McDonald song solovokal. Dei hadde med seg klaverspelaren Mike Garson, som hadde vore ein viktig del av bandet til Bowie i Ziggy Stardust-tida. Bowie medverka ikkje i det heile til albumet kalla The Spiders From Mars.

Etter at the Spiders var endeleg oppløyst, danna han bandet Woody Woodmansey's U Boat, med Phil Murray, Frankie Marshall, Phil Plant og etter kvart Martin Smith, og dei gav ut debutalbumet U Boat i 1977.

Woodmansey har òg spelt med Art Garfunkel.

Han spelte i bandet Cybernauts, og er i dag trommeslagar i 3-D.

Diskografi

Med David Bowie

• The Man Who Sold the World (1970)
• Hunky Dory (1971)
• The Rise and Fall of Ziggy Stardust and the Spiders from Mars (1972)
• Aladdin Sane (1973)
• Ziggy Stardust - The Motion Picture (konsertopptak frå 1973, gjeven ut i 1983)
• Santa Monica '72 (konsertopptak frå 1972, gjeven ut i 1994)

Med Dana Gillespie

• Weren't Born a Man (1974)

Med The Spiders From Mars

• Spiders from Mars (1976)

Med Woody Woodmansey's U-Boat

• Woody Woodmansey's U-Boat (1977)

Med Cybernauts

• Cybernauts Live (2001)

Med 3-D

• Future Primitive (2008)

Kjelder

• Denne artikkelen bygger på «Mick Woodmansey» frå Wikipedia på engelsk, den 28. april 2011.
  • Wikipedia på engelsk oppgav desse kjeldene:

Bakgrunnsstoff

• Den offisielle heimesida Arkivert 2016-01-31 ved Wayback Machine.