Midsund
Midsund er ein tettstad og administrasjonssenteret i Midsund kommune i Møre og Romsdal med 577 innbyggjarar per 1. januar 2017. Tettstaden ligg på Otrøya og er den einaste tettstaden i Midsund kommune etter kriteria til SSB.
| Midsund | |
| tettstad | |
 Utsyn mot Midsund. Brua over Midsundstraumen knyter dei to største øyane i kommunen saman.
| |
| Land |  Noreg
|
|---|---|
| Fylke | Møre og Romsdal |
| Kommune | Midsund |
| Areal | 0,68 km² |
| Folketal | 577 (2017) |
| Folketettleik | 849 / km² |
| Postnummer | 6475 MIDSUND |
| Innbyggjarnamn | midsunding/ midsundværing |
Dei fleste servicefunksjonane i kommunen ligg i Midsund sentrum. Her er det postlokale, folkeregister, likningskontor, fiskerirettleirar, folkebibliotek, helsesenter og kommunehus. Innan privat tenesteyting er det me.a. bensinstasjon, kolonialbutikkar, klesforretning, frisør, bank, taxisentral, elektrisk forretning, husflidsforretning, blomster- og gåveforretning, sportsforretning og kafear.
Kommunen har ledig industri- og serviceareal i Stormyra industriområde. Der er det òg djupvasskai og lagerplass for kjølecontainerar.
Det går veg kring Midøya og Otterøya med brusamband mellom, og vidare bru til Dryna gjennom fylkesveg 668. Der er det ferjesamband med Brattvåg og vidare veg til Ålesund.