Mihhail Kõlvart
Mihhail Kõlvart (fødd 24. november 1977) er ein estisk politikar, som er leiar for Det estiske senterpartiet. Han var borgarmeister i Tallinn frå 2019 til 2024.
| Mihhail Kõlvart | |||
.jpg) | |||
| Fødd | 24. november 1977 (46 år) Kyzylorda | ||
|---|---|---|---|
| Statsborgar av | Estland | ||
| Parti | Eesti Keskerakond (2008) | ||
| Yrke | politikar, trenar, offentlig person, ordførar | ||
| Utdanna ved | Høyskolen «I Studium» | ||
| Ektefelle | Anastassia Kovalenko | ||
| Verv | Borgarmeister i Tallinn 11. april 2019–26. mars 2024 | ||
| Føregangar | Taavi Aas | ||
| Etterfylgjar | Jevgeni Ossinovski[1] | ||
| Alle verv |
| ||
Liv og virke endre
Kõlvart har estisk far og koreansk mor, og foreldra møtte kvarandre i sovjettida, då dei studerte ved Statsuniversitetet i Moskva. Han blei fødd i Den kasakhiske sosialistiske sovjetrepublikken, der familien til mora, saman med andre koreanske flyktningar i Russisk fjerne austen, hadde blitt deporterte. Då han var tre år gammal, flytta familien til Tallinn. Dei hadde russisk som heimespråk, og han er russisk-ortodoks kristen.[2][3]
Kõlvart har, som sin far, vore aktiv som utøvar, trenar og forbundsleiar innan taekwondo i Estland.[4]
Kõlvart er utdanna jurist med spesialisering i forretningsjus. Han har vore advokat og høgskulelektor.[4]
Kõlvart begynte som bydelspolitikar i den russiskdominerte Lasnamäe i Tallinn for Det sosialdemokratiske partiet, men gjekk i 2008 over til Det estiske senterpartiet. Han blei formann i byrådet i Tallinn i 2017 og borgarmeister i 2019. Han har også vore medlem av Riigikogu i flere periodar.[4] I 2024 blei han felt som borgarmeister ved et mistillitsvotum, som følgje av ei korrupsjonssak.[5][6]
Kõlvart blir rekna til den russiskvennlege delen av Det estiske senterpartiet. I 2023 vann Kõlvart partileiarvalet mot Tanel Kiik, som var støtta av avtroppande partileiar Jüri Ratas. Det førte til at mange av medlemmane av partiet i Riigikogu melde seg ut.[6][7]
Kjelder endre
- ↑ Ikkjeraud lenkje som bør gjerast om til vanleg lenkje.
- ↑ Kivi, Irene (17. oktober 2017). «Kas teadsid, kes on suurima häältesaagi saanud Mihhail Kõlvart juurtelt?» (på estisk). Elu24. Henta 6. mars 2023.
- ↑ Laugen, Lauri (13. september 2019). «Kõlvart: venekeelsete sunniviisiline assimileerimine kahjustab kogu ühiskonda» (på estisk). Delfi. Henta 6. mars 2023.
- ↑ 4,0 4,1 4,2 «Linnapea Mihhail Kõlvart CV» (på estisk). Tallinn bykommune. Henta 6. mars 2023.
- ↑ «Motion of no confidence in Mihhail Kõlvart as Tallinn mayor passes vote» (på engelsk). ERR. 26. mars 2024. Henta 14. april 2024.
- ↑ 6,0 6,1 Kramer, Samuel (10. april 2024). «Without Tallinn, What Would the Future Hold for Estonia’s Center Party?» (på engelsk). Foreign Policy Research Institute. Henta 14. april 2024.
- ↑ Kramer, Samuel (10. oktober 2023). «Doubling Down: Estonia’s Center Party Gamble on Mihhail Kõlvart» (på engelsk). Foreign Policy Research Institute. Henta 14. april 2024.
- Denne artikkelen bygger på «Mihhail Kõlvart» frå Wikipedia på bokmål, den 16. april 2024.