Mikkel Diskerud
Mikkel «Mix» Morgenstar Pålssønn Diskerud (fødd 2. oktober 1990 i Oslo) er ein norsk fotballspelar med amerikansk familiebakgrunn. I 2014 spelar han for Rosenborg og for det amerikanske fotballandslaget. Han debuterte for seniorlaget til Stabæk i Tippeligaen i 2008, og blei seriemeister med same laget same året. Internasjonalt har han spelt både for norske og amerikanske ungdomslandslag, i tillegg til det amerikanske A-landslaget.
.jpg) | |||
| Personleg informasjon | |||
|---|---|---|---|
| Fullt namn | Mikkel «Mix» Morgenstar Pålssønn Diskerud | ||
| Kallenamn | Mix | ||
| Fødd | 2. oktober 1990 | ||
| Fødestad | Oslo | ||
| Høgd | 184 cm | ||
| Posisjon | Midtbanespelar | ||
| Klubbinformasjon | |||
Noverande lag | Rosenborg | ||
| Nummer | 42 | ||
| Ungdomsklubbar | |||
| -2005 2005-08 |
 Frigg Stabæk | ||
| Seniorkarriere* | |||
| År | Lag | Kampar (Mål) | |
| 2008-12 2012 2012-2014 |
Stabæk Gent (lån) Rosenborg |
81 (10) 6 (0) 59 (5) | |
| Landslag | |||
| 2012 2010- |
 USA U23 USA |
4 (1) 18 (3) | |
|
* Seniorklubbkampar og mål berre telt for nasjonal liga og oppdatert 2. januar 2015 ‡ Landslagsmål oppdatert 29. mars 2014 | |||
Klubbkarriere
endreDiskerud starta karrieren i Frigg,[1] og blei oppdaga av Stabæk under ei turnering i Oslo.[2] Han blei henta til G15 Elite-laget deira i 2005, og bytte skule frå Oslo Handelsgymnasium til Norges Toppidrettsgymnas i 2007.[1] I 2006 spelte han regelmessig for Stabæk sitt andrelag,[3] i 2.divisjon. I 2008 hjelpte han òg klubben sitt juniorlag med å vinne Noregsmeisterskapen for junior.[4]
Han debuterte for A-laget i 2008 og fekk NFF sin pokal for 2. plass i senior-NM same året. Under La Manga Cup i 2009 skåra han etter to minutt i den første kampen sin det året han blei profesjonell spelar.[5] Han kom òg inn som innbyttar under Superfinalen 2009 og vann mot Vålerenga, éi veke før seriestart.[6] Han starta opningskampen på benken, men i den andre kampen mot Brann, fekk han Tippeliga-debuten sin for Stabæk sitt A-lag. Han kom inn som innbyttar ti minutt før full tid, og i det 84. minutt utlikna han for Stabæk. Kampen enda 1–1.[7] Ingen Stabæk-spelarar har før skåra så raskt etter Tippeliga/Eliteserie-debuten sin, og Diskerud sletta med dette den førre rekorden, som Martin Andresen hadde.
Internasjonal karriere
endreDiskerud har amerikansk mor og kunne derfor velja å representera både Noreg og USA.[2] I april 2008 spelte han ei turnering for det amerikanske U20-landslaget,[9] der han hadde tre assists mot Nord-Irland.[10] Allereie ein månad seinare spelte han for det norske U18-landslaget mot USA.[11] I 2009 spelte han for det norske U19-landslaget.[12] I juni 2009 spelte han igjen for det VM-klare, amerikanske U-20-laget mot Egypt i Alexandria. Han skåra det einaste målet i kampen og fekk tittelen "Man of the Match" frå egyptisk TV (Nile Sports and Nile Tv). Han spelte den første europacupkampen sin for klubblag 15. juli 2009 som 18-åring i 2. runde av Champions League for Stabæk mot Tirana i Albania. Han tok del i U-20-VM i Egypt for USA i kampane mot Tyskland og Sør-Korea.
17. november 2010 spelte han sin første landskamp for USA sitt A-landslag i Nelson Mandela Challenge Cup i Cape Town Stadium mot Sør-Afrika og spelte der fram den målgivande pasninga til den einastse skåringa i kampen, av Juan Agudelo, som med dette blei USA sin yngste målskårar i ein A-landskamp nokonsinne.
I 2014 vart han tatt ut i USA sin tropp til fotball-VM i Brasil, der han var unytta reserve.
Referansar
endre- ↑ 1,0 1,1 Tveit, Morten (23. april 2008). «Mikkel Diskerud på landslaget». Stabæk Fotball. Henta 23. mars 2009.
- ↑ 2,0 2,1 Vik, Marius (6. februar 2009). «Stortalent kan droppe Norge». Budstikka. Henta 23. mars 2009.
- ↑ Øen, Sindre (10. juni 2006). «Stabæk 2 stjal poeng». Budstikka. Arkivert frå originalen 2. april 2015. Henta 23. mars 2009.
- ↑ «Stabæk norgesmestere». Budstikka. 1. november 2008. Arkivert frå originalen 2. april 2015. Henta 23. mars 2009.
- ↑ Strømnes, Andre (2. februar 2009). «Diskerud helt i skyene». Budstikka. Arkivert frå originalen 6. februar 2009. Henta 23. mars 2009.
- ↑ Lyngøy, Roar (8. mars 2009). «- Ordentlig klønete. Urutinert.». Dagbladet. Henta 23. mars 2009.
- ↑ Hoff, Jørgen Bohnhorst (22. mars 2009). «Sjokkert Stabæk-helt». Bergens Tidende. Henta 23. mars 2009.
- ↑ RBK.no – Det var et enkelt valg Arkivert 2012-08-27 ved Wayback Machine. (Av Jørgen Stenseth. Publisert og besøkt 9. august 2012)
- ↑ Dale, Richard Sveaas (18. april 2008). «Suksess for Diskerud». Budstikka. Arkivert frå originalen 22. april 2008. Henta 23. mars 2009.
- ↑ «U.S. Under-20 MNT Evens Record at Campos Verde International With 3-0 Win Over Northern Ireland». United States Soccer Federation. 16. april 2008. Arkivert frå originalen 7. mars 2009. Henta 23. mars 2009.
- ↑ Aas, Erlend M. (21. mai 2008). «Berget senket USA». Norges Fotballforbund. Henta 23. mars 2009.
- ↑ Madsen, Christer (11. mars 2009). «- Vi er i rute til EM-mellomspillet». Norges Fotballforbund. Henta 23. mars 2009.
- Denne artikkelen begynte med ei omsetjing frå bokmålswikipediaen 6. juni 2014.
Bakgrunnsstoff
endre- Portrettintervju på [Nettavisen.no]