Mirdaside-dynastiet

Mirdaside-dynastiet var eit dynasti som kontrollerte amiratet Aleppo meir eller mindre samanhengande frå 1024 til 1080.

Eit kart frå kring 1050-1060, som syner Mirdasid-dynastiet og naboane.

Mirdasidane var eit arabisk folk som hadde halde til i det nordlege Syria i fleire hundreår. Dei var sjiamuslimar, men vart tvinga til å konvertere til sunniislam då dei tyrkiske seldsjukkane tok over området.

Mirdasidane oppnådde sjølvstyre i 1024 og fokuserte på byutvikling, slik at Aleppo blømde i perioden då dei styrte. Mirdasidane var tolerante overfor dei kristne, oppmuntra kristne kjøpmenn i området sitt, og tilsette fleire som vesirar.

Den første perioden til Mirdaside-dynastiet er prega av konstant trykk frå både Austromarriket og fatimidane i Egypt. Mirdasidane var vasallar under både austromarane og fatimidane fleire gonger og ved hjelp av denne blanda diplomatien og militærmakt, klarte dei å overleve mot desse to stormaktene.

Amirar under mirdasidane

• Salih ibn Mirdas, 1024-1029
• Shibl al-Daula Nasr, 1029-1038

Fatimidane erobrar Aleppo

• Mu'izz al-Daula Thimal, 1042-1057

Aleppo overført til fatmidane

• Rashid al-Daula Mahmud, 1060-1061
• Mu'izz al-Daula Thimal, gjeninnsett, 1061-1062
• 'Atiyya ibn Salih, 1062-1065 (berre i Rahba 1065-1071)
• Rashid al-Daula Mahmud, gjeninnsett, 1065-1075
• Jalal al-Daula Nasr, 1075-1076
• Sabiq ibn Mahmud, 1076-1080

Uqailidane tar over Aleppo

Bakgrunnsstoff

• The Shia Rulers of Banu Ammar, Banu Mardas and the Mazidi Arkivert 2010-06-16 ved Wayback Machine.

Kjelder

• Bianquis, Thierry (1993). «Mirdas». The Encyclopedia of Islam, New Edition, Volume VII: Mif–Naz. Leiden and New York: BRILL. s. 115–123. ISBN 90-04-09419-9. 
• Heidemann, Stefan: Die Renaissance der Städte in Nordsyrien und Nordmesopotamien. Städtische Entwicklung und wirtschaftliche Bedingungen in ar-Raqqa und Harran von der Zeit der beduinischen Vorherrschaft bis zu den Seldschuken (Islamic History and Civilization. Studies and Texts 40), Leiden (Brill) 2002.