Motezuma
Motezuma er ein opera i tre akter av Antonio Vivaldi med ein italiensk libretto av Girolamo Giusti. Den første framsyninga vart halde i Teatro Sant'Angelo i Venezia den 14. november 1733.
| RV723 Opera av Antonio Vivaldi | |||
 | |||
| Sjanger | Opera | ||
|---|---|---|---|
| Periode | Barokken | ||
| Komponert | 1733 | ||
| Urframføring | 14. november 1733 | ||
| Typisk lengd | 164:31 | ||
| Tekst av | Girolamo Alvise Giusti | ||
Musikken trudde ein lenge var gått tapt, men han vart oppdaga i 2002 i arkivet til musikkbiblioteket Sing-Akademie zu Berlin, ei gammal sjølvstendig korforeining med rike musikalske tradisjonar. Etter den andre verdskrigen vart biblioteket deira invadert av den raude armeen og teken med til Sovjetunionen. Det enda til slutt opp i Kiev, i dagens Ukraina. Etter Tyskland var samla på ny vart delar av partituret (byrjinga av første akt og store delar av tredje akt manglar) identifisert av musikkvitaren Steffen Voss. Musikkvitarar starta arbeidet med å rekonstruere ein versjon som kunne framførast.
Ei konsertutgåve av operaen, visstnok den første framsyninga sidan 1700-talet, vart framført 11. juni 2005 i konserthallen De Doelen i Rotterdam dirigert av Federico Maria Sardelli.
Roller
endre| Rolle | Røyst | Premierebesetning, 14. november 1733. |
|---|---|---|
| Motezuma, Keisaren av Mexico | bassbaryton | Massimiliano Miler |
| Mitrena, kona hans | kontraalt | Anna Girò |
| Teutile, dottera hans | sopran | Gioseffa Pircker |
| Fernando, Generalen til den spanske hæren | sopran kastratsongar | Francesco Bilanzoni |
| Ramiro, den yngre broren hans | sopran kastratsongar | Angiola Zannuchi |
| Asprano, Generalen til meksikanarane | sopran kastratsongar | Marianino Nicolini |
Andre operaer om den same keisaren
endreDen same meksikanske keisaren var òg hovudrolla i operaene:
- Montezuma (1781) av Niccolò Antonio Zingarelli
- Montesuma (1755) av Carl Heinrich Graun
- Motezuma (1771) av Josef Mysliveček
- Montezuma (1963), av Roger Sessions
- La conquista (2005) av Lorenzo Ferrero
Kjelder
endre- Denne artikkelen bygger på «Motezuma» frå Wikipedia på engelsk, den 21. juli 2010.
- Wikipedia på engelsk oppgav desse kjeldene:
- Alan Riding, Motezuma's Revenge - A Long-Lost Vivaldi Opera Gets Its Modern Premiere, International Herald Tribune/New York Times, 15 juni 2005
- Vivaldi's `Motezuma' Has Dusseldorf Premiere After Court Win, Bloomberg News, 23 september 2005.
- Planned Stagings of Vivaldi's Long-Lost Opera Motezuma Derailed by Copyright Claim og Court Injunction Agence France-Presse, 12 juli 2005.