Musandam guvernement

Musandam guvernement (arabisk محافظة مسندم) er eit guvernement i Oman.

Musandam
guvernement
Landsbyen Bukha på Musandam
Land  Oman
Koordinatar 26°00′N 56°18′E / 26.000°N 56.300°E / 26.000; 56.300
Hovudstad Khasab
Areal 1 800 km²
Folketal 31 425  (2010)
Kart
Musandam guvernement
26°00′N 56°18′E / 26°N 56.3°E / 26; 56.3
Wikimedia Commons: Musandam

Guvernementet dekkjer Musandamhalvøya som stikk ut i Hormuzsundet, det smale innløpet til Persiabukta, frå Den arabiske halvøya. Musandamhalvøya er ein eksklave i Oman, skild frå resten av landet av Dei sameinte arabiske emirata. Plasseringa gjev Oman delvis kontroll, i lag med Iran, over det strategiske sundet. Nord på Musandam, kring Kumzar, vert det tala kumzari, som er eit sørvestiransk språk nært knytt til larestani og luri. Musandamhalvøya har eit areal på 1 800 km² og eit folketal 31 425 innbyggjarar.

Musandamhalvøya sett frå verdsrommet. Al Khasab i nord (øvst) er synt i grønt.

Tidlegare var det heller vanskeleg å nå halvøya, der dei einaste mogelegheitene var nokre få flyruter eller ein ti timar lang køyretur gjennom fire immigrasjonspostar. Den raskaste passasjerferja i verda opna opp mellom Muscat og Musandam i august 2008 for å gjere regionen meir tilgjengeleg.[1]

Provinsar endre

Musandam guvernement består av fire provinsar (wilayat):

Khasab er regionssenteret i guvernementet.

Geografi endre

Den kuperte kystlinja minnar om fjordar fleire stader, men vart ikkje skapt av isbrear og i staden forma av rørsler i jordskorpa. Den arabiske plata vert sakte pressa under den eurasiatiske plata og skapt dei jordskjelvutsette fjella i Iran. Langs kanten av den arabiske plata søkk Musandamhalvøya. Dei høgare fjella er framleis over vatn, medan havet har fylt inn dalane mellom fjella.

Kjelder endre

  1. «World's fastest passenger ferry». theweek. July 30, 2008. Arkivert frå originalen 3. august 2008. Henta 3. juni 2016.