National Museum of Scotland

National Museum of Scotland eller Nasjonalmuseet i Skottland ligg i den skotske hovudstaden Edinburgh. Museet er både eit kulturhistorisk museum og eit teknologi- og vitskapsmuseum. Den kulturhistoriske delen er vigd skotsk historie, folk og kultur, og dessutan historie, kultur og klesdrakt frå andre delar av verda. Den naturvitskaplege delen av museet har samlingar og utstillingar knytte til naturhistorie, vitskap og teknologi. Museet ligg i Chambers Street i sentrale Edinburgh. Det er del av National Museums Scotland, som i tillegg til museet i Edinburgh består av National Museum of Flight, National Museum of Rural Life og National War Museum. Det er fri tilgang til museet.

National Museum of Scotland
Stad	Edinburgh
Skipa	1998
National Museum of Scotland 55.946944°N 3.19°W / 55.946944; -3.19

Arkitektur

Arkitekturen i bygningen var kontroversiell frå byrjinga, og dåverande prins Charles gjekk av som vernaren for museet i protest mot mangelen på rådgiving over formgjevinga av det og etter å ha uttalt at den opphavlege planen var «eit vanskapt karbunkel». Han var opphavleg tenkt som ei forlenging av det tilstøytande viktorianske museet, men utvikla seg etterkvart til å bli eit eige museum i eigen rett, sjølv om dei to musea er bunde saman.

Museumsbygget består av geometriske, corbusianske former, men har òg talrike referansar til Skottland som skotske oldtidsbygningar som rundhus og festningar, såkalla defensiv arkitektur. Bygningen er belagt i gyllen sandstein frå Moray som ein av arkitektane karakteriserte som «den eldste utstillinga i bygningen», i ein referanse til skotsk geologi. Bygningen var kandidat til Stirling-prisen for 1999.

Samlingar

Nokre viktige gjenstandar er mellom anna:

• Skulpturar av Eduardo Paolozzi som husar forhistoriske smykke
• Monymusk relikvieskrin
• 10 av dei norrøne lewisbrikkene, ei gruppe sjakkbrikker (resten er i British Museum)
• Eit Union Jack, flagget til Det sameinte kongeriket Storbritannia og Nord-Irland, og eit skotsk flagg som blei nytta av høvesvis hannoverarane og jakobittane i slaget ved Culloden.
• Måleri av Margaret MacDonald
• Skulpturar av Andy Goldsworthy, inspirert av arbeida til den skotske geologen James Hutton

Galleri

• 
  Innvendig utsyn i museet
• 
  Takterrassen med kunstgjenstandar av Andy Goldsworthy
• 
  Kjellaretasje innvendig
• 
  Monymusk relikvieskrin, datert til ca. år 750

Kjelder

• Denne artikkelen bygger på «Skottlands nasjonalmuseum» frå Wikipedia på bokmål, den 17. oktober 2023.

Bakgrunnsstoff

Commons har multimedium som gjeld: National Museum of Scotland

• Offisiell nettstad
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.