Nasi goreng
Nasi goreng (indonesisk og malayisk for 'steikt ris')[1] er ein indonesisk og malaysisk matrett laga av ris som er woksteikt saman med ingrediensar som egg, kylling, reker og grønsaker og smaksett med ketjap, rekepasta, peanøtter, chili, tamarind, kvitlauk og sjalottlauk.
Retten blir servert over heile Indonesia, frå gatekjøken til fine restaurantar og festar.[2] Han er blitt kalla nasjonalretten i landet.[3]
Nasi goreng blir tradisjonelt laga av kald kokt ris, og er som mange andre steikte risretter ein måte å bruka opp att restar på.[1] Han er ein gammal indonesisk frukostrett som ein kunne laga med ris frå dagen før og restar av ein kjøtrett med til dømes storfe eller kylling.[4]
Retten finst i mange ulike variantar som kan reflekterast i namnet. Nasi goreng ayam tyder til dømes 'steikt ris med kylling', nasi goreng udang kjem med reker og nasi goreng cumi-cumi blir servert med blekksprut.[1]
Om ein bytter ut risen med nudlar får ein bami goreng eller mee goreng (malayisk).
Kjelder
endre- ↑ 1,0 1,1 1,2 Nasi Goreng, About.com, henta 11. februar 2017
- ↑ Crossette, Barbara (July 6, 1986). «Fare of The Country; Spicy Staple of Indonesia». The New York Times. Henta 7. juli 2010.
- ↑ Watson, Todd (20 July 2013). «Indonesian cuisine: An unduly underappreciated taste». Inside Investor. Henta 20 July 2013.
- ↑ Eric Musa Piliang (November 14, 2010). «By the way ... A tale of ‘nasi goreng’ — leftover rice and chicken scraps». The Jakarta Post. Henta 21 October 2012.
- Delar av denne artikkelen bygger på «Nasi goreng» frå Wikipedia på engelsk, og «Nasi goreng» frå Wikipedia på svensk den 11. februar 2017.
