Nicolay Nicolaysen
Nicolay Nicolaysen (14. januar 1817–22. januar 1911) var ein norsk antikvar og arkeolog frå Bergen. Han var den leiande antikvaren i Noreg i eit halvt hundreår og er særleg kjend for for granskingane av norsk byggjekunst i mellomalderen. I 1880 leia han dei arkeologiske utgravingane som avdekte Gokstadskipet.
| Nicolay Nicolaysen | |||
 | |||
| Fødd | 14. januar 1817 Bergen | ||
|---|---|---|---|
| Død | 22. januar 1911 Oslo | ||
| Nasjonalitet | Noreg | ||
| Yrke | antropolog, arkeolog, historikar, kunsthistorikar | ||
| Barn | Lyder Nicolaysen | ||
| Medlem | Kungliga Vitterhets Historie och Antikvitets Akademien | ||
Nicolay Nicolaysen var son til kjøpmann Lyder Nicolaysen og tok juridisk embetseksamen i 1841. I 1844 vart han medlem i den nystarta Foreningen til norske Fortidsminnesmerkers bevaring. Sju år seinare vart han formann i foreininga, og frå 1860 var han tilsett som antikvar og rådgjevar ved Kyrkjedepartementet med spesielt ansvar for fortidsleivningar i Noreg.
Nicolaysen var mykje aktiv og leia gjennom tiåra hundrevis av utgravingar, fyrst og fremst av gravhaugar og -felt. Særleg kjend var han for sine granskingar av Munkeliv kloster ved Bergen, Mariakyrkja i Oslo, Borrehaugane og Gokstadhaugen i Vestfold. Elles deltok han mellom anna i restaureringa av Nidarosdomen i Trondheim og Håkonshallen på Bergenhus. Nicolaysen stod også bak opprettinga av Kunstindustrimuseet i Oslo. Han var ein viktig pådrivar då den gamle Tegneskolen vart omorganisert til ein tidsmessig kunsthandverkskule.
Utvalde verk
endre- «Mindesmerker af Middelalderens Kunst i Norge».
- «Norske Stiftelser» (1-5).
- «Norske Magazin» (1-3).
- «Norske Bygninger fra Forntiden» 1-3, 1860-80.
- «Norske Fornlevninger», 1861-66.
- «Langskipet fra Gokstad».
- «Kunst og Haandværk fra Norges Fortid», 1881-95.
Kjelder
endre- Norsk Allkunnebok. VIII. Bandet. 1958
- Denne artikkelen bygger på «Nicolay Nicolaysen» frå Wikipedia på bokmål, den 8. juli 2017.