Nini Roll Anker

Nicoline Magdalene Roll Anker, kjend som Nini Roll Anker, (3. mai 1873–20. mai 1942) var ein norsk forfattar som var fødd i Molde. Ho var dotter av jurist, embetsmann, sorenskrivar, politikar og høgsterettsdommar Ferdinand Roll. Ho skreiv ei rekkje romanar og skodespel, mest kjend er ho for Det svake kjøn (1915), Den som henger i en tråd (1935) og den posthumt utgjevne Kvinnen og den svarte fuglen som kom i 1945.

Nini Roll Anker
Pseudonym	Jo Nein, Kåre P.
Statsborgarskap	Noreg
Fødd	3. mai 1873 Molde kommune
Død	20. mai 1942 (69 år) Asker
Yrke	skribent, skodespelforfattar
Medlem av	Norsk Kvinnesaksforening
Far	Ferdinand Nicolai Roll
Ektefelle	Johan Anker
Nini Roll Anker på Commons

Portrett av Nini Roll Anker måla av Christian Meyer Ross. Frå samlingane til Oslo Museum.

Den fyrste boka gav ho ut under pseudonymet Jo Nein 1898. Dei neste to bøkene Lil-Anna og andre (1906) og Benedicte Stendal (1909) vart utgjevne under hennar eige namn som då var Nini Roll. Dei seinare bøkene vart publiserte under namnet Nini Roll Anker, etter at ho hadde gift seg med ingeniøren, siglaren og båtkonstruktøren Johan August Anker. Unnataket er tre bøker gjevne ut under pseudonymet Kåre P.: Liv, livet og jeg (1927), Vi skriver en roman (1930) og To ungdomsår (1939).

Nina Roll og Johan Anker budde på Vollen i Asker. 3. mai 1973, på 100-årsdagen sidan ho vart fødd, vart det avduka ei byste av Nini Roll Anker på Gotfred Lies plass i Molde. Bysta er laga av Hjalmar Hansen.

Grava til Johan Anker og Nini Roll Anker på Vestre gravlund i Oslo

Bibliografi

• Lill-Anna og de andre, 1906
• Benedicte Stendal, 1909
• Per Haukeberg, 1910
• De vaabenløse, 1912
• Det svake kjøn, 1915 (omarbeidet utg. 1924)
• Fru Castrups datter, 1918
• Kirken, (skodespel, 1920)
• Huset i Søgaten, 1923
• Komedien, (skodespel, 1923)
• Kvindesind, 1924
• I amtmandsgaarden, 1925
• Piken, (skodespel, 1925)
• Under skraataket, 1927
• Prisopgaven, 1928
• Enken, 1932
• Elling Thorsens hjem, 1934
• På ærens mark, (skodespel, 1934)
• På egen grunn, 1936
• Små avsløringer, 1937
• Bak Munkeruds fasade, 1938
• Kvinnen og den svarte fuglen, 1945
• Min venn Sigrid Undset, 1946

Under pseudonym

• I Blinde (som Jo Nein), 1898
• Liv, livet og jeg (som Kåre P), 1927
• Vi skriver en roman (som Kåre P), 1930
• To ungdomsår (som Kåre P), 1937

Kjelder

• Dagbladets forfattarside Arkivert 2001-11-19 ved Wayback Machine..
• Norsk samkatalog for bøker.
• Arnljot Løseth: Aristokrat og opprører, i 100 år 100 navn. Personer som har preget Nordvestlandet. Sunnmørsposten Forlag 2000

Bakgrunnsstoff

• Tordis Ørjasæter og Jo Ørjasæter: Nini Roll Anker : en kvinne i tiden. (Aschehoug) – 2000. ISBN 82-03-26066-7
  Denne litteraturartikkelen er ei spire. Du kan hjelpe Nynorsk Wikipedia gjennom å utvide han.