Nikolaj Puzanov

Nikolaj Vasiljevitsj Puzanov (7. april 1938–3. januar 2008) var ein sovjet-russisk skiskyttar frå Kysjtym i Tsjeljabinsk oblast. Han tok sølvmedaljen i den individuelle øvinga under verdsmeisterskapen 1965 på Elverum og vart olympisk meister med Sovjetunionen i 4x7,5 stafett i 1968.

Nikolaj Puzanov
Statsborgarskap	Sovjetunionen
Fødd	7. april 1938 Kysjtym
Død	2. januar 2008 (69 år) St. Petersburg
Yrke	skiskyttar
Høgd	179 centimeter
Politisk parti	Sovjetunionens kommunistiske parti

Aktiv

Perioden 1962-69 deltok Puzanov i alle dei internasjonale meisterskapane i skiskyting. I 1965 vann han sølvmedaljen på 20 km under VM i Elverum, seks tidels sekund føre Antti Tyrväinen frå Finland, og vel 22 sekundar bak verdsmeisteren Olav Jordet. I same meisterskapen gjekk han på Sovjetunionen sitt stafettlag som fekk bronse. To år seinare vart det VM-sølvmedalje på Puzanov og dei andre på Sovjetunionen sitt stafettlag. Under vinterleikane i Grenoble i 1968 vart han så olympisk meister i skiskyting i nettopp stafett, då han og lagkameratane Aleksandr Tikhonov, Vladimir Gundartsev og Viktor Mamatov vann 4 x 7,5 km stafett, framom Noreg og Sverige.

Medaljar og besteplasseringar i internasjonale meisterskap

• VM i skiskyting 1962 i Tavastehus: Nr 4 på 20 km
• VM i skiskyting 1963 i Seefeld: Nr 8 på 20 km
• Skiskyting under Vinter-OL 1964 i Innsbruck: Nr 10 på 20 km
• VM i skiskyting 1965 på Elverum: Sølvmedalje på 20 km, bronsemedalje i stafett
• VM i skiskyting 1966 i Garmisch-Partenkirchen: Nr 13 på 20 km
• VM i skiskyting 1967 i Altenberg: Sølvmedalje i stafett
• Skiskyting under Vinter-OL 1968 i Grenoble: Gullmedalje i stafett, nr 6 i 20 km
• VM i skiskyting 1969 i Zakopane: Nr 4 på 20 km

Kjelder

• Sportsboken, aktuelle årgangar
• Denne artikkelen bygger på «Nikolai Wassiljewitsch Pusanow» frå Wikipedia på tysk, den 23. november 2013.