Nils Hansteen
Nils Severin Lynge Hansteen (29. april 1855–1. januar 1912) var ein norsk målar som var kjend som ein av dei viktige landskaps- og marinemålarane på andre halvdel av 1800-talet.
| Nils Hansteen | |
 | |
| Statsborgarskap | Noreg |
| Fødd | 29. april 1855 Mo i Rana |
| Død |
11. oktober 1912 (57 år) |
| Yrke | kunstmålar |
| Far | Agathon Bartholomæus Hansteen |
| Nils Hansteen på Commons | |
Hansteen var son av soknepresten Agathon Bartholomæus Hansteen og Aletta Schjelderup.[1] Han var fødd i Mo i Rana, og budde her til han var rundt 16. Deretter drog han til Trondheim, der han byrja på ein mekanisk verkstad for å bli ingeniør.[1] I 1873 drog han i staden til Kristiania for å bli målar.[1] Han studerte m.a. under Knud Bergslien og Morten Müller (1873–76) og Peder Cappelen Thurmann (1874–75). Så følgde fleire utanlandsopphald, hos Hans Gude (Karlsruhe, 1876), i München (1877–80), i Italia (1880–81), og dessutan København (1887–92) der han studerte koparstikk.[2]
Måleria til Hansteen har blitt stilt ut i viktige galleri i heile landet, mellom anna Nasjonalgalleriet. Her finn ein det store marinebildet Snetykke (1890).[1] Han teikna òg til julekort, og illustrerte bøker, mellom anna Gamle Visestubber fra Barnekammeret (1897) av Hanna Winsnes.[1]
Hansteen gifta seg med Mimmi Hoffeldt Rytterager i 1886.[1]
Prisar og utmerkingar
endre- Bronsemedalje ved verdsutstillinga i Paris i 1889[1]
- Riddar av St. Wladimirs orden[1]
Galleri
endre-
Fra Drøbak, 1886 -
Strandstudie fra Hirtshals, 1888 -
Strandmotiv fra Danmark, 1890 -
Snetykke, 1890 -
Maritim scene -
Fjordabåt stevner ut Trondheim havn, 1893
.jpg)
Kjelder
endre- Denne artikkelen bygger på «Nils Hansteen» frå Wikipedia på bokmål, den 25. januar 2022.