Nizwa

Nizwa (arabisk نزوى) er den største byen i Ad Dakhiliyah guvernement i Oman og var tidlegare hovudstad i Oman. Nizwa ligg kring 140 km frå Muscat. Folketalet er rundt 700 000 innbyggjarar, inkludert dei to områda Burkat Al Mooz og Al Jabel Al Akhdar.

Nizwa
نزوى
by
Land	Oman
Guvernement	Ad Dakhiliyah guvernement
Del av	Northern Oman
Høgd	492 moh.
Koordinatar	22°56′N 57°32′E
Areal	3 500 km²
Folketal	731 730  (2008)
Folketettleik	209 / km²
Tidssone	Oman standard time (UTC+4)
Nizwa 22.933333333333°N 57.533333333333°E / 22.933333333333; 57.533333333333
Kart som viser Nizwa. Kart som viser Nizwa.
Wikimedia Commons: Nizwa

Nizwa er ein av dei eldste byane i Oman og var ein gong eit senter for handel, religion, utdanning og kunst. Jama-moskeen var tidlegare eit senter for islamsk utdannign. Nizwa var eit viktig møtepunkt ved foten av dei vestlege Hajarfjella. Byen ligg mellom frodige daddelpalmar, strategisk til mellom krossvegen mellom det indre av Oman og Muscat og dei nedre områda av Dhofar.

Namnesoge

Historikarar er ikkje samde om opphavet til namnet på byen. Somme indikerer at namnet kjem frå det arabiske verbet som tyder «aleine».

Historie

Nizwa var hovudstaden Oman på 500- og 600-talet evt. Med djupe røter i islam har Nizwa mange moskéar, som Sultan Qaboos Jama (fredagsmoskeen), So'al-moskeen frå 800-talet, Ash-Shawathinah-moskeen i Uqr og Ash-Sharja-moskeen.

Tidleg i 1950-åra vart eit stort, 400 år gammalt, rundt tårn i sentrum av byen bomba av britiske Royal Air Force, som vart henta inn for å assisterte den regjerande sultanen Said bin Taymour for å stoppe eit opprør leia av det indre imamatet Oman. Konflikten oppstod då det vart oppdaga olje i regionen.

Geografi og klima

Nizwa er omringa av fjell på begge sider. Frå november til mars er klimaet relativt kjølig med temperaturar ned mot 10 ºC i desember. Om sommaren er klimaet heitt og tørt, med temperaturar opp mot 50 ºC i juli. Det kjem lite nedbør og det vesle som kjem er om vinteren.

Vêrdata for Nizwa
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	21	26	31	35	39	40	42	41	38	34	27	23	33
Gjennomsnittleg min °C	10	12	17	20	26	27	29,5	27	24	22	16	14	20,4
Gjennomsnittleg nedbør mm	23	18	13	8	3	1	1	1	1	3	8	15	95
Kjelde: «Weather Underground and Weather Reports»

Turistmål

Nizwa festning

Turistmål i byen er Nizwa festning, tradisjonelle marknader og Falaj Daris.

Falaj Daris er ein verdsarvstad og den største falajen eller tradisjonelle vatningssystemet i Oman. Det gjev vatn til plantasjar kring Nizwa.

Kjelder

• Denne artikkelen bygger på «Nizwa» frå Wikipedia på engelsk, den 5. juni 2016.