Jebel Akhdar i Oman
Jebel Akhdar, Jabal Akhdar eller Al Jabal Al Akhdar (arabisk الجبل الأخضر, tyder «det grøne fjellet») er eit fjell i Al Hajar-fjella i Oman, innafor kysten av Omanbukta. Jabal Shams er det høgaste punktet i fjellområdet med ei høgd på rundt 3000 moh.
| Jebel Akhdar | |||
| الجبل الأخضر | |||
| fjell | |||
 Terrassar i Jebal Akhdar.
| |||
| Land |  Oman
| ||
|---|---|---|---|
| Koordinatar | 23°06′N 57°24′E / 23.1°N 57.4°E | ||
| Høgaste punkt | Jabal Shams | ||
| - høgd | 3 009 moh. | ||
 Jebel Akhdar i Oman 23°15′48″N 57°23′41″E / 23.2634359°N 57.3946722°E | |||
  | |||
| Wikimedia Commons: Jebel Akhdar, Oman | |||
Fjella er hovudsakleg eit ørkenområde, men dei høgareliggande områda kan få kring 300 mm nedbør i året, som er noko til at det veks noko kratt og tre og til å drive noko jordbruk. Det er dette som er opphavet til «grøn» i namnet.[1]
Området ligg ein kring 45 minuttars køyretur frå Nizwa og er kjende for det tradisjonelle rosevatnet sitt. Innan jordbruket vert det dyrka granateple, aprikos, fersken og valnøtt.
Mellom 1957 og 1959 var området åstad for Jebel Akhdar-krigen, ein konflikt mellom omanske styrkar lojale til sultanen av Oman (med støtte frå britane) og opprørsstyrkane til imamatet Oman i innlandet, som var støtta av Saudi-Arabia.
I august 2011 gjorde sultan Qaboos Jebel Akhdar til eit naturreservat for å bevare det unike, men skjøre biologiske mangfaldet her.
Sidan 2011 har fjellet vore den største klatreetappen i sykkelløpet Tour of Oman.[2] Det finst fleire helleristingar i fjella, og dei eldste er daterte til å vere 6000 år gamle.[3]
Merknad endre
- Forskjellige kjelder gjev forskjellige høgder på toppen av Jabal Shams, med tal som varierer frå 2 980 til 3 075 moh. Det omanske informasjonsdepartementet har oppgitt det høgaste.
Kjelder endre
- Denne artikkelen bygger på «Jebel Akhdar (Oman)» frå Wikipedia på engelsk, den 3. juni 2016.
- Wikipedia på engelsk oppgav desse kjeldene:
- ↑ Andrea Schulte-Peevers; Iain Shearer. Oman. Lonely Planet. s. 222.
- ↑ Puddicombe, Stephen. «Tour of Oman 2015 preview». Cycling Weekly. Henta 14. februar 2015.
- ↑ Fossati, Angelo Eugenio. «Rock Art in Jebel Akhdar, sultanatet Oman, first overview and state of research, TRACCE Online Rock Art Bulletin». Henta 29. august 2015.
Bakgrunnsstoff endre
- Rosevatn i Jebel Akhdar Arkivert 2012-02-18 ved Wayback Machine.
- Bilete frå Flickr