Oddvard Nilsen
Oddvard Nilsen (fødd 24. juni 1940) er ein tidlegare norsk politikar for Høgre. Han var ordførar i Askøy kommune 1990–1993, innvald på Stortinget frå Hordaland 1993–2005 og parlamentarisk leiar for Høgre 2001–2005.
| Oddvard Nilsen | |||
 | |||
| Fødd | 24. juni 1940 (83 år) Bergen | ||
|---|---|---|---|
| Statsborgar av | Noreg | ||
| Parti | Høgre | ||
| Yrke | politikar, lærar | ||
| Barn | Tom-Christer Nilsen, Trond Erik Nilsen | ||
| Alle verv |
| ||
Familie endre
Nilsen er son av murarsvenn Odd Nilsen (1917–1964) og industriarbeidar Ellinor Jensen (1917–2003). Farsslekta verka innan murarfaget i fleire generasjonar.[1] Oddvard Nilsen er gift med Torill Nilsen (1948–), som var medlem av Askøy kommunestyre 1995–2003.[2] Paret har tre søner saman, mellom dei fylkesordføraren Tom-Christer Nilsen (f. 1969) og friidrettsutøvaren Trond Erik Nilsen (f. 1972).
Karriere endre
Etter militær grunnutdanning tok Nilsen lærarskulen som privatist. Han har òg vore trenar og styremedlem i Norges Friidrettsforbund. Nilsen har bakgrunnen sin frå skuleverket, og har vore rektor ved Kleppestø og Ravnanger ungdomsskular på Askøy. Han var leiar i Hordaland Høgre 1990–1994 og medlem av Høgres arbeidsutval 1996–2005. I stortingsperiodane 1993–2001 sat han i Stortingets transport- og kommunikasjonskomité, siste perioden som leiaren av komiteen. I perioden 2001–2005 var han medlem av Stortingets utanrikskomité. Då Jan Petersen vart utanriksministar, vart Nilsen vald til parlamentarisk leiar.
Etter tida på Stortinget var Nilsen styreleiar i Helse Vest RHF 2005–2014.[3]
Oddvard Nilsen vart den 11. mars 2006 utnemnd til æresmedlem av Hordaland Høgre.
Kjelder endre
- ↑ Granheim, Eva (17. august 1993). «Skyggeportrettet. Liker å prestere». Bergens Tidende: 21.
- ↑ «Torill Nilsen». Høyre. Henta 28. mars 2014.
- ↑ Pedersen, Kari (19. desember 2013). «Vareberg blir styreleder i Helse Vest». Stavanger Aftenblad. Henta 28. mars 2014.
- Denne artikkelen bygger på «Oddvard Nilsen» frå Wikipedia på bokmål, den 18. desember 2015.
Bakgrunnsstoff endre