Ola Lindgren
Per Ola Markus Lindgren (fødd 29. februar 1964) er ein svensk tidlegare handballspelar frå Halmstad. Han var opphavleg venstre rykkromspelar på det svenske landslaget som i perioden 1990-2002 vann to VM-gull og fire EM-gull, siste åra var han mest linjespelar. Saman med Staffan Olsson var han Sveriges landslagssjef frå 2008 til 2016.
| Ola Lindgren | |
|
| |
| Statsborgarskap | Sverige |
| Fødd | 29. februar 1964 (60 år) Halmstad |
| Idrett | handball |
| Tok del i | Sommar-OL 2000, Sommar-OL 1996, Sommar-OL 1992, Sommar-OL 1988 |
Karriere
endreKlubbspel
endreLindgren var aktiv med HK Drott i periodane 1981-90 og 1992-95. Fire gongar vart han svensk meister med laget frå heimbyen Halmstad. Elles gjorde han teneste for dei tyske laga Dutenhofen (HSG Wetzlar) 1990-92, HSV Düsseldorf (1995-98) og HSG Nordhorn (1998-2003). I mange av dei seinare sesongane var han stort sett forsvarsspelar.
Landslagsspel
endreLindgren fekk sin landslagsdebut i 1986. Fram til 2003 deltok han i 376 landskampar for Sverige, skåra 482 mål. Åra frå 1990 til 2002 sanka han heile 13 medaljar i ulike internasjonale meisterskap, deltok i fire VM-finalar, tapte tre OL-finalar, og sigra i fire EM-finalar. Sidan han for det meste stod i forsvaret skåra han få eller ingen mål i dei avgjerande kampane i dei store turneringane.
Merittar
endre- VM 1990: Gullmedalje, 27-23 mot Sovjetunionen
- Sommar-OL 1992: Sølvmedalje, 20-22 mot «Sovjetunionen»
- VM 1993: Bronsemedalje, 26-19 over Sveits
- EM 1994: Gullmedalje, 34-21 over Russland
- VM 1995: Bronsemedalje, 26-20 mot Tyskland
- Sommar-OL 1996: Sølvmedalje, 26-27 mot Kroatia
- VM 1997: Sølvmedalje, 21-23 mot Russland
- EM 1998: Gullmedalje, 25-23 mot Spania
- VM 1999: Gullmedalje, 25-24 mot Russland
- EM 2000: Gullmedalje, 32-31 mot Russland
- Sommar-OL 2000: Sølvmedalje, 26-28 mot Russland
- VM 2001: Sølvmedalje, etter 25-28 mot Frankrike
- EM 2002: Gullmedalje, 33-31 mot Tyskland
- Svensk meister: 1984, 1988, 1990 og 1994 med HK Drott
Kjelder
endre- «Ola Lindgren» (på engelsk). Olympedia.
- Denne artikkelen bygger på «Ola Lindgren» frå Wikipedia på svensk, den 9. august 2024.