Olaus Michael Schmidt
Olaus Michael Schmidt (11. juli 1784–5. juli 1851) var ein norsk jurist, stortingsrepresentant og statsråd.
| Olaus Michael Schmidt | |||
 | |||
| Fødd | 11. juli 1784 Trondheim | ||
|---|---|---|---|
| Død | 5. juli 1851 (66 år) | ||
| Statsborgar av | Noreg | ||
| Yrke | dommar, politikar | ||
| Alle verv |
| ||
Schmidt var fødd i Trondheim, der faren var kjøpmann. Han vart student frå katedralskulen i fødebyen i 1801, og cand. theol. i 1806. Adjunkt ved borgarskulen i Trondheim 1806-10. Han reiste så til København for å studere vidare, og tok juridisk embetseksamen i 1812.
Same året, 1812, vart han auditør og regimentskvartermeister ved sønnafjellske dragonregiment. Frå 1817 var han assessor ved stiftsoverretten i Kristiansand, justitiarius ved same retten i 1828. År 1829 vart han høgsterettsassessor.
Schmidt sat på Stortinget i 1827 og på det overordentlege storting 1828 som 1. representant frå Kristiansand. På begge tingsamlingane var han sekretær i Lagtinget, og mellom anna medlem av fullmaktskomiteen. Han var med i riksrett både 1827 og i 1836, siste gongen i eigenskap av høgsterettsassessor.
År 1828 var Schmidt formann i ein kongeleg kommisjon om havarivesenet.
I perioden 1838–48 hadde Schmidt sete i statsrådet. 22. januar 1838 vart han sjef for Justisdepartementet, og styrte dette i fleire bolkar. 1846-47 var han leiar av Finansdepartementet. I tre periodar var han medlem av statsrådsavdelinga i Stockholm. Han tok avskjed 19. april 1848.
Schmidt døydde i Teplitz under ein ferietur (ei såkalla badereise). Broren Peter Schmidt var medlem av riksforsamlinga i 1814.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Olaus Michael Schmidt NSD Norsk senter for forskningsdatas politikararkiv