Olav L. Hannisdal
Olav L. Hannisdal (fødd 1. januar 1920 i Lindås)[1] er ein norsk forfattar, og tidlegare redaktør, lærar, rektor og lokalpolitikar (KrF). Han var ein av skiparane av avisa Strilen og mangeårig redaktør.[2] I 2005 fekk han Kongens fortenestemedalje i sylv for innsatsen sin.[3]
| Olav L. Hannisdal | |
| Nasjonalitet | Norsk |
| Statsborgarskap | Noreg |
| Fødd | 1. januar 1920 (103 år) i Lindås |
| Yrke | Redaktør, lærar, rektor og forfattar |
| Periode | 1978- |
| Debut | Sand i eit timeglas |
Attåt arbeidet som lærar og rektor i Lindås var Hannisdal redaktør for Strilen frå 1961 til 1977. Han har sete i kommunestyret og på fylkestinget for Kristeleg Folkeparti og vore aktiv i Lindås og Nordhordland indremisjon, Motorførernes Avholdsforbund, Lindås fråhaldslag og Lindås mållag.[2] Hannisdal har òg skrive tre romanar og nokre sakprosabøker. Han debuterte som skjønnlitterære forfattar med Sand i eit timeglas i 1978.
Bøker Endra
- 1978 – Sand i eit timeglas – Roman
- 1980 – Medaljen – Roman
- 1987 – Honning or berg – Roman
Prisar og utmerkingar Endra
- 1978 – Kulturprisen til Lindås kommune[4]
- 2005 – Kongens fortenestemedalje i sylv[3]
Referansar Endra
- ↑ ««Olav L. Hannisdal (01.01.1920)»». forfatterkatalogen.no. Henta 27. februar 2013.
- ↑ 2,0 2,1 Jon Hallstein Tjore (13. desember 2005). «Kongesølv til Strilen-grunnleggjaren». Strilen. Henta 27. februar 2013.
- ↑ 3,0 3,1 «Olav L. Hannisdal». kongehuset.no. Henta 27. februar 2013.
- ↑ «Kulturprisen i Lindås». scandion.no. Henta 27. februar 2013.
Bakgrunnsstoff Endra
- Bøker av Olav L. Hannisdal digitalisert hjå Nasjonalbiblioteket
- Om Olav L. Hannisdal på nettstaden til Bergen Offentlige Bibliotek Arkivert 2012-10-13 ved Wayback Machine.
- Utgjevingar av Olav L. Hannisdal i BIBSYS Ask[daud lenkje]