Opna hovudmenyen

Lindås kommune

kommune i Hordaland

Lindås er ein kommune i Hordaland fylke, i Nordhordland. Lindås vart eigen heradskommune frå 1838 i samsvar med formannskapslovene av 1837. Kommunen grensar etter 1964 i nord mot Masfjorden og Modalen, og i vest mot Austrheim og Radøy. Andre nabokommunar er det ikkje landgrense mot, men over fjordar eller tronge sund vert Lindås omgjeve av kommunane Gulen i nord, Vaksdal og Osterøy i aust, Bergen i sør, og Meland i vest.

Lindås kommune
kommune
Hindnesfjorden ved Veland.JPG
Kommunevåpen
Land Flag of Norway.svg Noreg
Fylke Hordaland
Adm.senter Knarvik
Areal 476 km²
 - land 458 km²
 - vatn 18 km²
Folketal 15 789 (1. januar 2018)
Folketettleik 34 / km²
Målform nynorsk
Ordførar Astrid Aa. Byrknes (KrF)
Kommunenr. 1263
NO 1263 Lindås.svg
Wikimedia Commons: Lindås
Nettstad: www.lindas.kommune.no
Sjå namnet Lindås for annan bruk av namnet.

LokalaviserEndra

Lokalaviser som dekkjer kommunen er Strilen og Nordhordland. Regionavisane Bergens Tidende og Bergensavisen har noko stoff frå kommunen.

KulturEndra

Lyngheisenteret på Lygra er et kulturlandskapsmuseum for Nordhordland og lyngheiområdet langs kysten av Vestlandet. Senteret er etablert som eit resultat av Lindåsprosjektets arbeid i 1970-åra då lyngheikulturen blei dokumentert.

TusenårsstadEndra

Kommunen sin tusenårsstad er Kongshaugen på Seim, som også vert kalla Håkonshaugen.

PolitikEndra

I perioden 2015-2019 er Astrid Aarhus Byrknes ordførar i Lindås Kommune. Ho representerer Kristeleg Folkeparti. Varaordførar er Nina Bognøy og kjem frå Arbeiderpartiet. Tredje største parti i Lindås Kommune er Fremskrittspartiet, ledet av Bjarte Vatnøy. Dei minste partia i Lindås kommune er Rødt, MDG og Sosialistisk Venstreparti.

Idrett og aktivitetEndra

Lindås Idrettsråd (LIR) sin primære oppgåve er å vere bindeledd mellom idretten og kommunen, og arbeide for best moglege vilkår for idretten i Lindås kommune. Rådet er eit felles organ for all idrett organisert i Norges idrettsforbund og olympiske og paralympiske komité (NIF), og idrettslag med medlemskap i NIF blir automatisk medlem i LIR. LIR blei oppretta i 1996, og har hausten 2012 over 3000 aktive medlemar i 16 medlemslag med over 20 særidrettar. Rådet har eit styre med 6 medlemar, vedtekter godkjent av NIF, og ein handlingsplan med mål og tiltak. Arbeidsoppgåver i seinare tid har i hovudsak vore:

  • fordeling av lokale aktivitetsmidler (LAM)
  • uttaling til kommunen på vegner av idrettslaga om prioriteringar av aktivitetar, anlegg og kulturmidlar
  • dokumentasjon/àjourhald av anleggsoversikter
  • utdeling av idrettsstipend
  • delta i utvikling av idrettspolitiske handlingsplanar

Idrettslag: IL Alvidra - Eikanger Idrettslag - FIL AKS-77 - Knarvik IL - Lindås Idrettslag - Nordhordland Ballklubb (NBK) - Seim IL - Seim Sportsskytterlag - Nordhordland Skiklubb - Nordhordland Dykkerklubb - Nordhordland Skeiseklubb - Nordhordland Karateklubb - Nordhordland Hestesportklubb - Holy Riders MC Racing - Nordhordland Sykkelklubb - Nordhordland Flyklubb

IL Alvidra, Knarvik IL og Seim IL har inngått samarbeid om friidrett i FIL AKS-77. AKS-77 har sidan 1983 arrangert Knarvikmila. NBK har eit samarbeid innan fotball i høgare årsklassar mellom Alvidra, Knarvik og Seim, medan dei lokale idrettslaga har eigne lag i yngre årsklassar.

Lindås Skytterlag, fotballgruppa, håndballgruppa og trimkarusellen er noko av idretten i nordre del av kommunen.

Lindås IL har planer om å byggje både svømmebasseng, bowlinghall, garderober, tribuner og kunstgress på grusbanen sin. Både Nordhordlandshallen i Knarvik og den nye flotte Lindåshallen er praktbygg som heile kommunen har stor glede og nytte av.

Kjende personar frå LindåsEndra

BakgrunnsstoffEndra