Ole Hannibal Sommerfelt
Ole Hannibal Sommerfelt (3. mars 1753–6. april 1821) var ein norsk embetsmann, stortingsrepresentant og topografisk forfattar.
| Ole Hannibal Sommerfelt | |
| Statsborgarskap | Noreg |
| Fødd | 3. mars 1753 Toten |
| Død | |
| Yrke | politikar, Fylkesmann, forfattar |
| Språk | norsk |
Ole Hannibal Sommerfeldt vart fødd på Sukkestad i Toten med foreldra Benedicte Kirstine Hoff og kanselliråd og sorenskrivar David Sommerfelt.
Etter juridisk embetseksamen fra Universitetet i København hadde O. H. Sommerfelt desse stillingane:
- Lensmann i Gudbrandsdalen
- 1781 Fut i Finnmark
- 1787 Amtmann i Finnmark
- 26. mars 1800 Amtmann i Romsdals amt
- 28. juli 1811 Amtmann i Kristians Amt
Sommerfelt arbeidde mykje for å fremje økonomisk utvikling, spesielt innan jordbruk og handel. Som amtmann i Finnmark stødde han oppunder koloniseringa av Målselv. Som amtmann viste han respekt for samekulturen og samiske særdrag. Publikasjonen Et Par Ord (1790) byggjer på ein tale han heldt til fjellsamen Peder Jansen, som hadde selt seks rein og gitt 30 vederlagsfritt til kongen i samband med eit forsøk på å etablere reindrift på Island.
Sommerfelt møtte som stortingsmann for Kristians amt (Oppland) på det overordentlige stortinget hausten 1814. Her vart han visepresident for Lagtinget.
Frå Finnmark gav han ut Kort Beskrivelse over Finmarken (1799).
Sommerfeldt vart utnemnd til riddar av Dannebrogsordenen, Vasaordenen og Nordstjerneordenen.
Kjelder
endre- Biographiske Efterretninger om Eidsvolds-Repræsentanter og Storthingsmænd i Tidsrummet 1814-1845
- Norsk biografisk leksikon
- Biografisk informasjon om Ole Hannibal Sommerfelt NSD Norsk senter for forskningsdatas politikararkiv