Ole Juell

Ole Juell (8. mars 1767–15. mai 1832) var ein norsk embetsmann og stortingsmann. Daniel Bremer Juell var sonen hans.

Ole Juell
Statsborgarskap	Noreg
Fødd	8. mars 1767 Stange kommune
Død	15. mai 1832 (65 år) Seljord kommune
Yrke	sorenskrivar, politikar
Språk	norsk

Juell var fødd i Stange, der far hans var sorenskrivar. Han var i 1797 regimentskvartermeister og auditør i Christiania. I 1801 vart han sorenskrivar i Øvre Telemark, budde på garden Bjørge i Seljord til han døydde.

I 1818 representerte Juell Bratsberg amt på Stortinget. Han var formann i ein og sekretær i to av dei elleve komiteane han var medlem av. Formann i komiteen om lausgjengarlova og konventikkelplakaten av 1754, sekretær i komiteen om Kongsberg sølvverk. Elles var han medlem av Lagtinget, der han var sekretær.

Juell døydde i Seljord i 1832.

Kjelder

• Lindstøl, Tallak (1914). Stortinget og statsraadet : 1814-1914. B. 1 D. 1 : Biografier A-K. Kristiania: Steenske bogtrykkeri. s. 460. 
• Biografisk informasjon om Ole Juell NSD Norsk senter for forskningsdatas politikararkiv