Ole Lützow

Ole Arntzen Lützow (14. november 1801–2. november 1871) var ein norsk offiser, gardbrukar, embetsmann og stortingsmann fødd i Fredrikstad.

Ole Lützow
Fødd	14. november 1801 Fredrikstad
Død	2. november 1871 (69 år)
Statsborgar av	Noreg
Yrke	politikar
Alle verv	stortingsrepresentant (1839–1841) stortingsrepresentant (1842–1844) stortingsrepresentant (1845–1847) vararepresentant til Stortinget (1848–1850) vararepresentant til Stortinget (1851–1853) vararepresentant til Stortinget (1854–1856)

Far til Lützow var offiser. Sjølv var han sekondløytnant 1828-34, men vart då gardbrukar på storgarden Grinder i Grue. Han var både ordførar i Grue og medlem av forlikskommisjonen. I 1845 vart han utnemnd til statsrevisor, busette seg då ved Sagene, som den gongen låg i Aker herad.

Lützow representerte Hedemarkens amt på Stortinget 1839-45. Han var i 1839 medlem og 1842 sekretær i desisjonskomiteen. I 1845 var han sekretær i militærkomiteen, visesekretær i Odelstinget og medlem av den utvida næringskomiteen. Ved stortingsvala 1848, 1851, 1854 hamna han på fyrste eller andre varamannsplass for Akershus amt.

Han døydde i Kristiania i 1871.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Ole Lützow NSD Norsk senter for forskningsdatas politikararkiv