Ole N. Strømme

norsk politikar

Ole Nikolai Ingebrigtsson Strømme (23. februar 187617. februar 1936) var ein norsk lærar, gardbrukar, lensmann og politikar frå Sykkylven. Han var statsråd og sjef i Sosialdepartementet i Mowinckels tredje regjering.

Ole N. Strømme
Fødd23. februar 1876
Sykkylven
Død17. februar 1936 (59 år)
Statsborgar avNoreg
PartiVenstre
Yrkepolitikar
VervNorsk sosialminister 3. mars 1933–27. oktober 1933
FøregangarJakob N. Vik
EtterfylgjarTrygve Utheim
VervStortingsrepresentant 1931–1936
VervOrdførar i Sykkylven 1910–1919
Alle verv
  • Norges sosialminister (1933–1933)
  • vararepresentant til Stortinget (1922–1924)
  • vararepresentant til Stortinget (1925–1927)
  • vararepresentant til Stortinget (1928–1930)
  • stortingsrepresentant (1931–1933)
  • vararepresentant til Stortinget (1934–1936) Sjå dette på Wikidata

Strømme var son til ein gardbrukar på matrikkelgarden Straume i Sykkylven. Etter mellomskuleeksamen i Volda i 1892, var han elev ved Stord seminar i tida 1893–95. Han var så lærar 1895-97 i Bremanger, og deretter folke- og framhaldsskulelærar i heimbygda Sykkylven fram til 1919. I 1907 kjøpte han eit småbruk på matrikkelgarden Straumgjerde i Sykkylven, og dreiv dette sidan. Frå sommaren 1919 var han lensmann i Ørskog.

Stortingsperioden 1931-33 representerte Strømme partiet Venstre og Møre fylke på Stortinget, der han var sekretær i Justiskomiteen. Den 3. mars 1933 vart han utnemnd til sosialminister i ei regjering leidd av Johan Ludwig Mowinckel, ein posisjon han hadde til 28. oktober same året. Tingbolken 1934-36 var Strømme fyrste varamann frå Møre fylke, og møtte på Tinget ei veke i mars 1935 i staden for Peter Syltebø, og frå januar 1936 i staden for avdøde Martin J. Strand. Han vart då nokså omgåande sjuk og døydde i Oslo.

Kjelder endre

Bakgrunnsstoff endre