Olga Kaniskina

Olga Nikolajevna Kaniskina (fødd 19. januar 1985) er ein russisk friidrettsutøvar frå Mordvina som i 2007 vart verdsmeister og i 2008 olympisk meister i 20 km kappgang. Ho vann også same distansen ved VM 2009, EM 2010 og VM 2011, dessutan vart ho tildelt sølvmedaljen i øvinga under Sommar-OL 2012, alle desse fire medaljane vart i 2015 annullerte av Det internasjonale friidrettsforbundet.

Olga Kaniskina
Statsborgarskap	Russland
Fødd	19. januar 1985 (39 år) Napolnaja Tavla
Idrett	friidrett
Tok del i	Sommar-OL 2008, Sommar-OL 2012
Utmerkingar	Fedrelandets fortjenstordens medalje av 1. klasse, Venskapsordenen

Aktiv

Kaniskina kneip sølvmedaljen ved friidretts-EM 2006 i Göteborg, to sekundar fram Elisa Rigaudo frå Italia som gjekk inn til bronse. Året etter vann ho kappgangen ved VM 2007 i Osaka, vel halvminuttet framom dei to andre medaljevinnarane. Under dei olympiske sommarleikane 2008 tok Kaniskina gullmedaljen, 36 sekundar framom Kjersti Plätzer frå Noreg.

Doping

Både ved VM 2009, EM 2010 og VM 2011 gjekk Kaniskina fyrst i mål i 20 km kappgang. Under Sommar-OL 2012 leia ho heilt til oppløpet, men stivna og vart slått av landskvinna Jelena Lasjmanova med to sekundar. Med grunnlag i uvanleg store endringar i hennar såkalla biologiske pass, vart ho i 2015 og 2016 frådømt alle plasseringane oppnådd i tida etter 15. juli 2009. Gjennom den tida ho vart dømd for å ha vore dopa, sanka Kaniskina 135 000 US-dollar i premiepengar.

Medaljar og plasseringar i internasjonale meisterskap

• EM 2006 i Göteborg: Sølvmedalje – 1.28.35, bakom Ryta Turava (1.27.08)
• VM 2007 i Osaka: Gullmedalje – 1.30.09, framom Tatjana Sjemjakina (1.30.42)
• OL 2008 i Beijing: Gullmedalje – 1.26.31, framom Kjersti Plätzer (1.27.07)
• VM 2009 i Berlin: Annullert gullmedalje – 1.28.09
• EM 2010 i Barcelona: Annullert gullmedalje – 1.27.44
• VM 2011 i Daegu: Annullert gullmedalje – 1.29.42
• OL 2012 i London: Annullert sølvmedalje – 1.25.09

Kjelder

• Denne artikkelen bygger på «Olga Kaniskina» frå Wikipedia på engelsk, den 12. august 2018.
• «Olga Kaniskina» (på engelsk). Olympedia.org. Henta 18. april 2024.