Paul McGrath
Paul McGrath, opphavleg Paul Nwabilo, (fødd 4. desember 1959) er ein irsk tidlegare fotballspelar, fødd i London. Over ein tiårsperiode frå 1985 til 1996 utmerkte han seg som ein sterk midtstoppar, fyrst i Manchester United til 1989, deretter i Aston Villa til 1996. McGrath var i mange år fast på det irske landslaget, spelte 83 landskampar og skåra åtte mål.
 | |||
| Personleg informasjon | |||
|---|---|---|---|
| Fullt namn | Paul McGrath | ||
| Fødselsdato | 4. desember 1959 (63 år) | ||
| Fødestad | Ealing i England | ||
| Høgd | 183 cm | ||
| Posisjon | Forsvarsspelar | ||
| Seniorkarriere* | |||
| År | Lag | Kampar | (Mål) |
| 1981-1982 | St. Patrick's Athletic | 26 | (4) |
| 1982-1989 | Manchester United | 163 | (12) |
| 1989-1996 | Aston Villa | 253 | (9) |
| 1996-1997 | Derby County | 24 | (0) |
| 1997 | Sheffield United (lån) | 7 | (0) |
| 1997-1998 | Sheffield United | 5 | (0) |
| Totalt | 478 | (25) | |
| Landslag | |||
| 1985-1997 | Irland | 83 | (8) |
| * Seniorklubbkampar og mål berre telt for nasjonal liga | |||
KlubbspelEndra
McGrath spelte 1981/82-sesongen på St Patrick's Athletic FC i Dublin. Strak fekk han kontrakt med Manchester United, utan han vart aktuell for ein plass i mannskapet som FA-cupen 1983. Gradvis fekk han meir tillit, og lenge før Manchester United kvalifiserte seg til ein ny FA-cupfinale i 1985, hadde teke over som midtstoppar i stade for skotten Gordon McQueen. Skadar, dårleg form og usemje med lagsjef Alex Ferguson førte til at McGrath fekk mindre speletid frå 1987 og 1988.
I august 1989 vart McGrath overført til Aston Villa mot £400 000. På Villa Park vart han ein publikumsfavoritt, og vart i 1993 jamvel kåra til Spelarane sin spelar i England. I mars 1994 var han med då Aston Villa vann ligacupfinalen med 3-1 over Manchester United. To år etter vann McGrath ligacupen for andre gong, då Aston Villa sigra med 3-0 over Leeds United. Hausten 1996 gjekk turen til Derby County, medan han hausten 1997 spelte for Sheffield United på nivå to i ligaen i tre månader.
LandslagsspelEndra
McGrath fekk sin landslagsdebut i februar 1985 og spelte 83 landskampar i tida fram til februar 1997. Han var ein viktig spelar då Irlands landslag sist i 1980-åra byrja hevde seg mot dei beste fotballandslaga i Europa, under landslagssjef Jackie Charlton. McGrath deltok såleis i Fotball-EM 1988 og spelte alle Irlands kampar under verdsmeisterskapen i 1990 og i 1994. Han spelte tre kampar mot Noreg, alle tre enda 0-0. Den siste av desse kampane førte til at Noregs lag rauk ut or VM 1994, grunna færre mål enn dei andre laga i gruppa. McGrath skåra i alt 8 landslagsmål.
MerittarEndra
- Vinnar av FA-cupen:1985 med Manchester United
- Vinnar av ligacupen: 1994 og 1996 med Aston Villa
KjelderEndra
- Denne artikkelen bygger på «Paul McGrath (footballer» frå Wikipedia på engelsk, den 12. februar 2019.