Quinn the Eskimo (The Mighty Quinn)

«Mighty Quinn» Singel av Manfred Mann frå albumet Mighty Garvey!
B-side	«By Request - Edwin Garvey»
Språk	engelsk
Utgjeve	12. januar 1968
Sjanger	Rock
Lengd	2:51
Selskap	Fontana TF 897 (UK) Mercury 72770 (US)
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Manfred Mann-kronologi
«So Long, Dad» (1967)	«Mighty Quinn»	«Theme from 'Up The Junction'» (1968)

«Quinn the Eskimo (Mighty Quinn)» er ein folkrocksong frå 1967, skriven av Bob Dylan under The Basement Tapes-innspelingane. Songen vart ein hit i 1968 for det britiske bandet Manfred Mann, som gav han ut som singel med tittelen «Mighty Quinn».

Temaet i songen er at når den mektige Quinn (ein eskimo) kjem til ein stad vert fortviling til glede og kaos til ro, og han trekkjer til seg merksemda til dyr. Dylan sjølv har sagt at tittelen syner til skodespelaren Anthony Quinn si rolle som eskimo i filmen The Savage Innocents frå 1959.

Ev’rybody’s in despair, Ev’ry girl and boy But when Quinn the Eskimo gets here, Ev’rybody’s gonna jump for joy. Come all without, come all within, You’ll not see nothing like the mighty Quinn. Bob Dylan

Manfred Mann-utgåva av songen nådde førsteplassen i Storbritannia, Tyskland og Irland. I USA nådde songen 10. plass og i Noreg 2. plass.

Dylan si første utgjeving av songen var på albumet Self Portrait frå 1970. Dette var eit konsertopptak av songen frå Isle of Wight Festival i 1969. Den same utgåva vart òg gjeven ut på Bob Dylan's Greatest Hits Vol. II i 1971.

Då Columbia omsider gav ut The Basement Tapes i 1975 var ikkje «Quinn the Eskimo» blant dei 24 songane på albumet. Eit opptak frå desse innspelingane vart først gjeven ut på Biograph i 1985.

Salslister

Vekeslister Liste (1968) Plassering Austerrike (Ö3 austerriksk Topp 40) 4 Canada Top Singles RPM 3 Tyskland (Media Control AG) 1 Sveits (Schweizer Hitparade) 2 Nederland (Nederlandsk Topp 40) 2 Nederland (Mega Single Top 100) 2 New Zealand (Listener) 1 Noreg (VG-lista) 2 Sverige 1 UK Singles (Official Charts Company) 1 Irland (IRMA) 1 US Billboard Hot 100 10 US Cash Box Top 100 4

Årslister Liste (1968) Plassering Canada 37 US Billboard Hot 100 82 US Cash Box 35

Andre utgåver

I tillegg til Manfred Mann er andre artistar som har spelt songen mellom andre Ian and Sylvia, Gary Puckett & The Union Gap, The Hollies, Julie London, Grateful Dead, Les Fradkin, Cornershop og The Black Crowes.

Norsk versjon

Jan Erik Vold skreiv ein norsk tekst til songen, kalla «Eskimoen Quinn». Denne vart framført av Kåre Virud i 1977.

Kjelder

• Denne artikkelen bygger på «Mighty Quinn (song)» frå Wikipedia på engelsk, den 13. mars 2010.
  • Wikipedia på engelsk oppgav desse kjeldene:
  • Gray, Michael (2006). The Bob Dylan Encyclopedia. Continuum International. ISBN 0-8264-6933-7. 
  • Heylin, Clinton (2003). Behind the Shades Revisited. Harper Entertainment. ISBN 0-06-052569-X. 
  • Sounes, Howard (2001). Down The Highway: The Life Of Bob Dylan. Grove Press. ISBN 0-8021-1686-8. 
  • Trager, Oliver (2004). Keys to the Rain. Billboard Books. ISBN 0823079740. 

Bakgrunnsstoff

• Teksten