Ragnhild Foss
Ragnhild Antonie Marie Foss (1883–1952) var ein norsk omsetjar og kontorist frå Sokndal i Rogaland. Bjarne Foss var bror hennar.
| Ragnhild Foss | |
| Statsborgarskap | Noreg |
| Fødd | 9. juli 1883 Sokndal |
| Død |
27. april 1952 (68 år) |
| Yrke | omsetjar |
|
Det var i myrkast vintertid
R. Foss' omsetjing av «In rosa vernat lilium» frå 1200-talet
|
Ragnhild Foss var dotter til ein skulestyrar. Familien hennar flytta til hovudstaden straks etter ho vart vaksen, der ho i 1910 var kontorist. Ei tid var ho lærar på ein privatskule på Hadeland, frå 1916 til 1943 arbeidde ho i Storebrand. Ho reiste mykje omkring i Europa og Palestina, og skreiv i blad som Urd, Noreg og St. Olav.
I 1929 gjekk ho over til katolisismen. Best er ho kjend for omsetjingar av kyrkjeleg mellomalderdikting. Ho har omsett m.a. Latinske salmar og sekvensar (Det Norske Samlaget 1938) og Sekvensane i Misseale Nidarosiense (1949). I Lov Herren Katolsk salmebok er 28 av omsetjingane hennar tekne med, i Norsk Salmebok har ho omsett tre salmar.
Ragnhild Foss brukte i omsetjingane sine ei høgnorsk språkføring. Ho har testamentarisk forbode ei kvar språkleg omarbeiding av sine gjendiktingar av «latinske hymnor». Salmane er omsette med stor truskap mot innhald og form, og til skilnad frå mange andre norske omsetjarar, har ho ikkje forsøkt å føre songen over i evangelisk sfære.
Kjelder
endre- P.E. Rynning (1954): Salmediktingi i Noreg Det norske Samlaget
- LOV HERREN Katolsk salmebok St. Olav Forlag 2000 ISBN 82-7024-117-2
- Einar Breidsvoll (1953) i Norsk Allkunnebok
- Norsk Allkunnebok. IV, bandet. 1953