Opna hovudmenyen

Ranheim Fotball

fotballag frå Trondheim

Ranheim IL fotball Topp (RIL) (stifta 17. februar 1901), betre kjent som Ranheim Fotball, er ein norsk fotballklubb frå bydelen Ranheim i bykommunen Trondheim i Sør-Trøndelag, og frå 4. februar 2010 eit eige idrettslag under allianseidrettslaget Ranheim Idrettslag.[1] Ranheim har tidlegare spelt i Norgesserien og Hovedserien, men spelte i 2009 i 2. divisjon avdeling 4. Ranheim vann avdelinga, og spelar i Adeccoligaen frå 2010-sesongen.

Ranheim Fotball
Fullt namnRanheim Fotball
Grunnlagd17. februar 1901
HeimebaneEXTRA Arena
(kapasitet: 2000)
StyreleiarRune Venås
HovudtrenarSvein Maalen
LigaOBOS-ligaen
Heimedrakt
Bortedrakt
Soccerball current event.svg Noverande sesong

Noverande hovudtrenar er Svein Maalen.

OrganisasjonEndra

I tillegg til at Ranheim Fotball er ein del av alliansen til Ranheim Idrettslag, er òg sjølve klubben delt inn i ulike avdelingar for fotballaktivitet. Det er tre hovudskilje; toppfotball, breiddefotball og miljøfotball, der toppfotballen er representert ved herrelaget og eliten blant juniorane, breiddefotballen ved kvinnelaget og diverse aldersbestemte lag bak elitelaget i juniorklassen og miljøfotballen ved lag for funksjonshemma, veteranar og øvrige.

KlubbfilosofiEndra

Ranheim som idrettslag har i lang tid vore sentral i trøndersk og norsk idrettshistorie. Det er derimot fotballavdelinga som er den største greina i idrettslaget, og skal verke som eit knutepunkt mellom dei andre greinene i organisasjonen slik at det vert skapt samhald og tilhøyrsle i lokalområdet. Basert på gamle tradisjonar og nye impulsar skal fotballavdelinga vere i stadig utvikling, både sportsleg og organisatorisk.[2]

Hovudmålet til Ranheim har i lang tid vore å rykke opp i og etablere seg i Adeccoligaen. Samstundes er klubben klar på at de ikkje vil bruke pengar dei ikkje har. Før opprykket til Adeccoligaen var hovudtrenar Per Joar Hansen opptatt av at Ranheim ikkje skulle ha heiltidsspelarar i 2. divisjon, då høge spelarlønningar og ekspansiv økonomi ofte har ført til økonomisk krise i andre klubbar.[3] Òg etter opprykkssesongen gjekk Ranheim inn for å redusere spelarlønningane føre sin første sesong i Adeccoligaen, trass opprykk til noko som per definisjon vert kalla toppfotball med medførande mindre tid til jobb og skule ved sida av. Dette såg ut til å føre til ein spelarflukt frå klubben, og det var då òg ein del som drog, men etter kvart signerte dei fleste av dei som var ønska med vidare ny kontrakt.[4] Ranheim budsjetterte med 7,6 millionar kroner for debutsesongen i Adeccoligaen, ein auke på i underkant av tre millionar i forhold til førre sesong.[5][6]

Eit anna viktig haldepunkt for Ranheim er at spelarane skal ha sterk lokal tilknyting til klubben. Det vert sikta mot ein såkalla Athletic Bilbao-profil, der spelarstallen skal bestå av minst 90 prosent trønderar.[7] For Ranheim omfattar det å vere klubb nummer to i Trondheim og Trøndelag dermed at dei beste trønderske spelarane under Rosenborg sitt nivå – eller eventuelt Rosenborg-spelarar som treng ein passande arena for utvikling – samlar seg i klubben, slik at Ranheim sitt nivå blir merkbart betre enn rivaliserande lag på same eller lågare nivå i divisjonane i fotballhierarkiet.[8]

HistorieEndra

Hovudlaget Ranheim Idrettslag vart stifta 17. februar 1901.

Ranheim spelte i Norgesserien sesongane 1937/38, 1938/39, 1939/40 og 1947/48, og i Hovedserien sesongane 1949/50, 1952/53, 1954/55 og 1955/56. Stordomstida til Ranheim var på slutten av 1940- og byrjinga av 1950-talet.

StadionEndra

For meir om dette emnet, sjå DNB Arena i Ranheim.

Heimebanen til Ranheim heter DNB Arena, tidlegare kjent som Ranheim Stadion. Den offisielle rekorden er på rundt 7 500, frå då Ranheim spelte ein avgjerande kamp for å vinne førstedivisjon i Trøndelag 30. mai 1949 mot Kvik Trondheim.[9]

Banen har gjennomgått diverse modifikasjonar sidan den gong, mellom anna innføring av grasbane i 1939 og gjenoppbygging av stadionet etter andre verdskrigen. I høvet opprykket til Adeccoligaen skal stadionet på nytt vidareutviklast. Dei seks første heimekampane til Ranheim i Adeccoligaen vart spelt i Abrahallen.[10] Første heimekamp for Ranheim i Adeccoligaen vart følgt av 490 betalande publikummarar i Abrahallen 11. april 2010.

SpelarstallenEndra

Oppdatert 17. august 2016

Merknad: Flagg indikerer landslaget spelaren kan spele for. Spelaren kan ha fleire nasjonalitetar.

Nr. Posisjon Spelar
1   MV Even Barli
2   FS Christian Eggen Rismark
3   FS Daniel Kvande
4   FS Karl Morten Eek
5   FS Eirik Malmo
6   MS Magnus Blakstad
7   MS Mads Reginiussen
8   FS Simen Raaen Sandmæl
9   AS Torgil Gjertsen
10   MS John Hou Sæter (på lån frå Rosenborg)
11   AS Georg Flatgård
12   MV Preben Øien
Nr. Posisjon Spelar
13   AS Robert Stene
14   AS Kristian Rømo Skille
16   MS Kristoffer Løkberg
17   MS Sondre Sørløkk
19   MS Mats Van der Weel
20   AS Kim Ove Norum Riksvold
23   FS Aslak Fonn Witry
24   MS Aleksander Foosnæs
25   FS Are Tronseth
26   MV Daniel Hagen
  MS Thobias Kvam Navelsaker

MerittarEndra

Seriemeisterskap (0)Endra

Cupmeisterskap (0)Endra

  • Kvartfinale (1): 2010

AnnaEndra

Vinterserien: 2006, 2007 og 2008

ToppscorararEndra

TrenararEndra

Trenar Periode
Kåre Ingebrigtsen 2006–2007
Tore Grønning 2007–2008
Per Joar Hansen 2008–2010
Aasmund Bjørkan 2011–2012
Trond Nordsteien 2013-

ProfilarEndra

SeriestatistikkEndra

BøkerEndra

  • RIL Idrett gjennom 100 år av John A. Larsen

Sjå ògEndra

KjelderEndra

  1. «Ranheim IL etablert som Allianseidrettslag». RIL.no. Henta 16. mars 2010. 
  2. «Om klubben». RanheimFotball.no. Henta 13. mai 2013. 
  3. «- Skal ikke være heltidsspillere i 2. divisjon». Adressa.no. 8. april 2009. Henta 13. mai 2013. 
  4. «Opp en divisjon – tilbudt lavere lønn». Adressa.no. 2. desember 2009. Henta 13. mai 2013. 
  5. En eim av Petterøe's Blå. Adresseavisen 10. april 2010. Lest 13. mai 2013.
  6. «Mjøndalens altmuligmann». Adressa.no. 27. november 2009. Henta 13. mai 2013. 
  7. «Ja til Ranheim – nei til Hammarby». Adressa.no. 17. november 2009. Henta 13. mai 2013. 
  8. «- Kom til Ranheim». Adressa.no. 21. november 2008. Henta 13. mai 2013. 
  9. En eim av Petterøe's Blå. Adresseavisen 10. april 2010. Lest 10. april 2010.
  10. «Abrahallen blir hjemmearena». RanheimFotball.no. 9. mars 2010. Henta 13. mai 2013. 

BakgrunnsstoffEndra