Rebop Kwaku Baah

Anthony «Rebop» Kwaku Baah (13. februar 1944–12. januar 1983) var ein ghanesisk perkusjonist som kanskje er mest kjend for arbeidet sitt i 1970-åra med rockegruppene Traffic og Can.

Rebop Kwaku Baah
Fødd	13. februar 1944
Fødestad	Konongo
Død	12. januar 1983 (38 år)
Dødsstad	Stockholm i Sverige
Fødenamn	Anthony Kwaku Baah
Opphav	Ghana, Tyskland
Sjanger	Rock, jazzfusion, jazz
Instrument	Trommer, congatrommer, perkusjon
Tilknytte artistar	Traffic, Can, Zahara
Verka som	Musikar

Biografi

I 1969 spelte Rebop på Randy Weston-albumet African Rhythms før han vart medlem av det engelske bandet Traffic frå 1971 til 1974, etter å ha møtt dei i Sverige under ein turné i 1971. Han er med på albuma Welcome to the Canteen, The Low Spark of High Heeled Boys, Shoot Out at the Fantasy Factory og On the Road.

I 1973 spelte han på Eric Clapton's Rainbow Concert i lag med Eric Clapton, Pete Townshend, Rick Grech, Jim Capaldi, Ronnie Wood, Jimmy Karstein og Steve Winwood.

Etter at Traffic vart oppløyst, spelte han på Steve Winwood sitt debutalbum som soloartist, som kom ut i 1977. I 1977 vart han òg medlem av det tyske bandet Can i lag med tidlegare Traffic-bassist Rosko Gee, og spelte med dei til bandet vart oppløyst i 1979. Han er med på albuma deira Saw Delight, Out of Reach og Can.

I 1983 spelte han inn eit album med Zahara, ei gruppe med fleire kjende medlemmar som Paul Delph (klaverinstrument), Bryson Graham (trommer) og Rosko Gee (bass).

Rebop døydde av hjerneblødning under ein konsert i Sverige i 1983. Han hadde opphavleg reist der som ein del av turnebandet til Jimmy Cliff. Det siste albumet hans, Melodies in a Jungle Mans Head, kom ut i uferdig stand.

Rebop må ikkje forvekslast med den nigerianske trommeslagaren Remi Kabaka. Reebop og Remi var begge med på Jim Capaldi-albumet Short Cut Draw Blood frå 1975. Dei spelte òg begge med Steve Winwood til forskjellige tider.

Diskografi

Solo

• 1972 Reebop
• 1973 Anthony Reebop Kwaku Baah (1973)
• 1977 Trance (1977)
• 1983 Melodies in a Jungle Mans Head (1983)

med Traffic

• 1971 Welcome to the Canteen
• 1971 The Low Spark of High Heeled Boys
• 1973 Shoot Out at the Fantasy Factory
• 1973 On the Road

med Can

• 1977 Saw Delight
• 1978 Out of Reach
• 1979 Can

med andre

• 1969 Randy Weston, African Cookbook
• 1972 Jim Capaldi, Oh How We Danced
• 1973 Eric Clapton, Eric Clapton's Rainbow Concert
• 1973 Rolling Stones, Goats Head Soup
• 1975 Jim Capaldi, Short Cut Draw Blood
• 1977 Steve Winwood, Steve Winwood
• 1983 The Unknown Cases, Masimbabele (12" 45)
• 1984 Wally Badarou, From the CD "Echoes" - Jungle

Kjelder

• Denne artikkelen bygger på «Rebop Kwaku Baah» frå Wikipedia på engelsk, den 6. mars 2013.
  • Wikipedia på engelsk oppgav desse kjeldene:

Bakgrunnsstoff

• Rebop Kwaku Baah at Allmusic
• Rebop Kwaku Baah ved The Internet Movie Database (IMDb)