Reiar Nilsson Leir

Reiar Nilsson Leir (Reiar Nilsen Leer) (13. oktober 1826–22. februar 1900) var ein norsk gardbrukar, ordførar, bankmann og stortingsmann frå Krødsherad i Buskerud.

Reiar Nilsson Leir
Fødd	13. oktober 1826 Krødsherad kommune
Død	22. februar 1900 (73 år)
Statsborgar av	Noreg
Parti	Venstre
Yrke	politikar, bonde
Alle verv	stortingsrepresentant (1877–1879) ordførar i Sigdal stortingsrepresentant (1880–1882) stortingsrepresentant (1883–1885) stortingsrepresentant (1886–1888)

Leir var på garden Bjørkerud i Krødsherad. Faren var gardbrukar og lensmann. Sjølv tok han over garden Bjørkerud, men flytta i 1868 til slektsgarden Leir og dreiv denne. Han var kjend som ein flink skogmann. Leir var medlem av Sigdal heradsstyre, ordførar i fleire år. Elles var han forlikskommissær 1886-97 og sparebankkasserar i 20 år.

Leir representerte Buskeruds amt på Stortinget frå 1877 til 1888. I alle år var han medlem av konstitusjonskomiteen og frå 1883 også av Lagtinget. I 1883-84 var han medlem av riksretten mot Selmer-ministeriet.

Leir døydde på garden sin i Krødsherad i 1900.

Kjelder

• * Lindstøl, Tallak (1914). «Leer, Reiar Nilsen». Stortinget og statsraadet: 1814-1914. Kristiania: [Steenske bogtrykkeri]. s. 537-538. 
• Biografisk informasjon om Reiar Nilsson Leir NSD Norsk senter for forskningsdatas politikararkiv