Sønke Sønnichsen
Sønke Postumus Sønnichsen (1840–5. juni 1903) var ein norsk teolog som bidrog til å innnføra salmar av Elias Blix i den norske kyrkja. Han var også med i kvinnerørsla.
| Sønke Sønnichsen | |
| Statsborgarskap | Noreg |
| Fødd | 1840 |
| Død | |
| Yrke | prest |
Sønke Sønnichsen vart fødd i Oslo. Han var student frå 1858, cand.theol. i 1865. Han arbeidde nokre år i skoleverket før han i 1872 vart klokkar og lærar ved Oslo tukthus. I 1876 fekk han stillinga som sokneprest i Lårdal i Telemark, i 1883 vart han prost i Øvre Telemark, i 1884 sokneprest i Ramnes, i 1894 i Tjølling.
Som prost i Øvre Telemark tok Sønnichsen til ords for å få Elias Blix' Nokre Salmar godkjend for bruk i gudstenesta, i tillegg til dei ordinære salmebøkene. Før han lanserte framlegget for kyrkjedepartementet, hadde han ved minst to høve prøva landsmålsalmane i kyrkja, første gong i Høydalsmo kyrkje andre juledag 1884, då dei mellom anna song «No koma Guds englar».
Han var medstiftar av Norsk Kvinnesaksforening i 1884.[1]
Kjelder
endre- ↑ Moksnes, Aslaug (1984). Likestilling eller særstilling?. Oslo: Gyldendal. s. 38. ISBN 8205153566.
- Gunnar Johannessen Stendal: Norske teologer
- Oplysninger om Norges Geistlighed siden 1814
- Anders Aschim: Elias Blix: Ein betre vår ein gong Det Norske Samlaget, 2008 ISBN 978-82-521-6429-9