SINTEF

SINTEF er eit forskningskonsern som sel forskingsbasert kunnskap og tilhøyrande tenester basert på innsikt i teknologi, naturvitskap, medisin og samfunnsvitskap. Det fulle namnet var, inntil ei vedtektsendring i 2007, «Selskapet for industriell og teknisk forskning ved Norges tekniske høgskole». I dag er SINTEF organisasjonens fulle namn. SINTEF er Skandinavias største forskingskonsern.

SINTEF
Selskapsform	stiftelse
Org.nr.	948 007 029
Skipa	26. januar 1950
Dotterselskap	Byggforsk, SINTEF Materialer og kjemi, Molab, Sintef Ocean, SINTEF Energi, Iku Petroleumsforskning As
Bransje	forsking
Land	Noreg
Hovudkontor	Trondheim
Styreleiar	Walter Qvam, Tore Ulstein
Adm. direktør	Alexandra Bech Gjørv

SINTEF er ei ikkje-kommersiell forskingsstifting med dotterselskap. Heile overskotet blir investert i laboratorium, vitskapleg utstyr og ny forsking.

Hovudkontoret ligg i Trondheim, men konsernet har òg ca. 350 tilsette i Oslo. I tillegg har SINTEF verksemd i Bergen, Stavanger, Ålesund, Tromsø og på Raufoss, og kontor i Houston, Texas (USA), Rio de Janeiro (Brasil), og laboratorium i Hirtshals i Danmark.

Organisering

Konsernet består av stiftinga SINTEF samt forskingsakskjeselskapa MARINTEK, SINTEF Energi AS, SINTEF Fiskeri og havbruk AS og SINTEF Petroleumsforskning AS. I tillegg er SINTEF Holding etablert for å skilje aktivitet i grenseland mellom kommersiell verksemd og forsking ut frå kjerneverksemda.

SINTEF er organisert i følgjande konsernområde:

• SINTEF Byggforsk
• SINTEF IKT
• MARINTEK
• SINTEF Fiskeri og havbruk AS
• SINTEF Materialer og kjemi
• SINTEF Energi AS
• SINTEF Petroleumsforskning AS
• SINTEF Teknologi og samfunn

Referansar

• Denne artikkelen bygger på «SINTEF» frå Wikipedia på bokmål, den 10. november 2011.

Bakgrunnsstoff

• SINTEFs offisielle nettstad