Samson Toresson Stueland

Samson Toresson Stueland (15. desember 1798–28. februar 1879) var ein norsk gardbrukar og stortingsmann frå Kvinnherad.

Samson Toresson Stueland
Fødd	15. desember 1798 Kvinnherad kommune
Død	28. februar 1879 (80 år)
Statsborgar av	Noreg
Yrke	bonde, politikar
Medlem	Det Norske Misjonsselskap
Alle verv	stortingsrepresentant (1836–1838) ordførar i Kvinnherad vararepresentant til Stortinget (1839–1841) vararepresentant til Stortinget (1842–1844)

Stueland var i yngre år skulehaldar, tok så over farsgarden og dreiv denne. Han dreiv elles med rosemåling og han dikta songar og salmar, gav i 1824 ut heftet Enfoldige Sange. Stueland kom med i det fyrste heradsstyret i Kvinnherad, og var medlem av heradsstyret 1838-58, ei tid ordførar. Valmann 1833-58. Stueland var haugianar, og i 1842 til stades ved skipinga av Det Norske Misjonsselskap. Seinare same året danna han i heimbygda lokallag for misjonsselskapet. I 1864 var han den leiande då det vart skipa ei indremisjons-«fællesforeing» for Sunnhordland, Hardanger og Voss.

Han var 4. representant frå Søndre Bergenhus amt på Stortinget 1836, medlem av kyrkjekomiteen, og av omframstortinget 1836-37.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Norsk Allkunnebok, X. bandet. 1965.

Notar