Sandvikens kommun

Sandvikens kommun er ein kommune i Gävleborgs län i Sverige. Kommunen grensar i Gävleborgs län til Ockelbo kommun i nord, Gävle kommun i aust og Hofors kommun i vest. Han grensar også til Heby kommun i Uppsala län og Sala kommun i Västmanlands län, begge i sør, og Avesta kommun og Falu kommun i Dalarnas län, høvesvis i sørvest og nordvest. Administrasjonssenteret i kommunen er Sandviken.

Sandvikens kommun
kommune
Kommunevåpen
Land	Sverige
Len	Gävleborgs län
Landskap	Gästrikland
Del av	Gästrikland, Q61663270, Q61663219
Centralort	Sandviken
Areal	1 165 km²
Folketal	36 879
Folketettleik	31,7 / km²
Sandvikens kommun 60.616666666667°N 16.783333333333°E / 60.616666666667; 16.783333333333
Kart som viser Sandvikens kommun. Kart som viser Sandvikens kommun.
Wikimedia Commons: Sandviken Municipality
Nettstad: www.sandviken.se

Sandviken er ein kupert skogskommune der dei sørlege delane er dominerte av Dalälven. Næringslivet er tradisjonelt sterkt knytt til jern- og stålindustrien, og Sandvik AB er det heilt dominerande føretaket i kommunen. Dei seinare åra har det vorte ei noko større breidde i næringslivet, hovudsakleg med tilveksten av IT-føretak.

Administrativ historikk

I 1916 vart municipalsamhället Storvik innlemma i Ovansjö kommun. Dette braut ut i 1924, slik at Storviks köping vart oppretta. Tre år seinare braut eit område ut av Högbo kommun for å opprette Sandvikens köping. I 1943 vart Sandviken by, då begge delane av Högbo vart sameinte att sidan Högbo landskommun vart innlemma. Ved kommunereforma i 1952 vart det ikkje gjort nokon smanslåingar i området. I 1971 vart Sandvikens kommun oppretta då byen, Storviks köping og landskommunane Järbo, Ovansjö, Årsunda og Österfärnebo vart slegne saman. Byen Sandviken fekk då ei ny rolle som administrasjonsstad i den nye kommunen.

Kommunevåpenet

Blasonering: På blå bakgrunn, ein damphammar og jernmerke på kvar side av han, alt i sølv.

Damphammaren i våpenet til Sandvikens kommun har ein verkeleg kopi, som i dag står utanfor hovudkontoret til Sandvik AB. Våpenet vart fastsett for Sandvikens stad i 1943. Ved kommuneopprettinga i 1971 hadde alle dei tidlegare einingane eigne våpen, utanom köpingen Storvik. Kommunen valde å registrere det tidlegare byvåpenet uforandra i Patent- och registreringsverket i 1975.

Tettstader

Det er elleve tettstader i Sandvikens kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Sandviken	22 574
2.	Storvik	2 251
3.	Järbo	1 865
4.	Årsunda	1 067
5.	Kungsgården	998
6.	Åshammar	760
7.	Hammarby	550
7.	Österfärnebo	550
9.	Jäderfors	298
10.	Backberg	242
11.	Västerberg	238

Kjelder

• Artikkelen var opphavleg basert på ei omsetjing av «Sandvikens kommun» på Wikipedia på svensk.
• «Sandviken – kommune i Sverige» på Store Norske Leksikon.