Satansopp
Satansopp (Rubroboletus satanas) er ein art i slekta Rubroboletus. Soppen er giftig, og kan gje kraftige sjukdomssymptom.[1] Unge soppar som ikkje har den karakteristiske raude stilken kan forvekslast med etande soppar av slekta Boletus, som denne soppen tidlegare var rekna for å tilhøyra.[2]
| Satansopp | |
 Satansopp | |
| Systematikk | |
| Rike: | Soppriket Fungi |
| Underrekkje: | Hymeniesoppar Agaricomycotina |
| Klasse: | Ekte hymeniesoppar Agaricomycetes |
| Underklasse: | Agaricomycetidae |
| Orden: | Røyrsoppordenen Boletales |
| Familie: | Røyrsoppfamilien Boletaceae |
| Slekt: | Rubroboletus |
| Art: | Satansopp R. satanas |
| Vitskapleg namn | |
| Rubroboletus satanas | |
Det finst ikkje dokumenterte funn av soppen i Noreg, men ein har funne han i Sverige,[3] sørvest i Finland og i Danmark.[4]
Kjenneteikn
endreSatansopp har halvkuleforma hatt som blir inntil 25 cm i diameter. Hatten er lysegrå til gulgrå, seinare lysebrun. Overflata på hatten er matt og tørr. Røyra er gule, med oransje til karminraude porer som blånar ved trykk. Stilken er gulaktig, seinare karminraud i midten og har gult årenett øvst. Kjøtet er gulkvitt og blånar sakte ved overskjering. Soppen luktar av urin som ung og seinare av rote.[5]
Soppen dannar sopprot i lag med varmekjære lauvtre, som eik og bøk. Han er særleg å finna på kalkrikt jordsmonn.[6]
Kjelder
endre- ↑ Justin (5. juni 2019), «Satan’s Shroom», Nature's Poisons (på engelsk), henta 4. februar 2024
- ↑ «Species Fungorum - Species synonymy», www.speciesfungorum.org, henta 4. februar 2024
- ↑ Lotta Sandhammar, Unikt fynd av giftig svamp i Uppsala på svt.se, 21 september 2018.
- ↑ Djävulssopp på Artdatabanken.
- ↑ Side 28, Sigmund Sivertsen: Sopp, Enkel Og Sikker Artsbestemmelse, oversatt av Jan Gausemel, Cappelen, 2005
- ↑ «Rubroboletus satanas, Devil's Bolete mushroom», www.first-nature.com, henta 4. februar 2024
- Denne artikkelen bygger på «Satansopp» frå Wikipedia på bokmål, den 9. februar 2024.
Bakgrunnsstoff
endre- (no) Satansopp hos Artsdatabanken
- (en) Satansopp i Global Biodiversity Information Facility
- (sv) Satansopp hos Dyntaxa
- (en) Satansopp hos Index Fungorum
- (en) Satansopp hos MycoBank
- (en) Satansopp hos NCBI
- (en) Kategori:Rubroboletus satanas – bilete, video eller lyd på Wikimedia Commons
- (en) Rubroboletus satanas – galleri av bilete, video eller lyd på Wikimedia Commons
- Rubroboletus satanas – detaljert informasjon på Wikispecies
