Severin Brørby

Severin Petter Brørby (19. november 1932–5. mars 2001) var ein norsk glaskunstnar og formgjevar fødd på Hønefoss.

Severin Brørby
Fødd	19. november 1932 Hønefoss
Død	5. mars 2001 (68 år) Jevnaker
Yrke	glasskunstner
Severin Brørby på Commons

Utdanning

Utdanna ved Statens håndverks- og kunstindustriskole. Fagutdanna gravør.

Arbeid

Han vart tilsett ved Hadeland Glassverk i 1956. Der formgav han kunstglas i K-glass programmet til Hadeland. Nummera hans i K-glass-serien er 7000-serien, det vil seie kunstglasverk gravyrmerka Hadeland 7XXX under botnen. Dei merka også ting SB. I tillegg til kunstglas formgav han mellom anna bruksglasserien Furu som dei framleis lagar på Hadeland, og ein serie glaskrukker med blått lokk som heitte Barbara og ein serie skåler, fat og vasar som heitte Marina. I 1984 slutta han ved Hadeland og fekk seg eiga glashytte på Åmot i Modum. Der laga han glas som var friare i både form og fargeval enn på Hadeland, med mjukare former og større preg av å vere handlaga. Desse er merka "Severin" og det vart også brukt etikettar der det stod Severin.

Prisar og utmerkingar

• 1958 Merket for god design
• 1972 Die Gute Industriform, Hannover, Tyskland
• 1979 Jacobprisen

Representert ved desse samlingane

Mellom anna:

• Corning Museum of Glas, New York
• Kunstindustrimuseet i Oslo
• Nordenfjeldske Kunstindustrimuseum, Trondheim
• Vestlandske Kunstindustrimuseum, Bergen

Kjelder

• Red. Erik Zahle - Brukskunst i hjemmet, Nordiske Fagbøker
• Rolf Simeon Andersen og Astrid Olsen - Moderne Antikviteter II: norsk glass, kunstnere og signaturer 1900-1970. ISBN 82-520-3560-4
• NBL-artikkel om Brørby, skriven av Randi Gaustad.