Silkebygg

Silkebygg (Hordeum jubatum) er eit eitårig 15-40 cm høgt aksgras som blømer i juni-august og veks opp til til Trøndelag i Noreg og Jämtland-Ångermanland i Sverige.

Silkebygg
Silkebygg
Status
Status i verda: Livskraftig
Systematikk
Rike:	Planteriket Plantae
Underrekkje:	Frøplantar Spermatophytes
Orden:	Grasordenen Poales
Familie:	Grasfamilien Poaceae
Underfamilie:	Pooideae
Stamme:	Triticeae
Slekt:	Byggslekta Hordeum
Art:	Silkebygg H. jubatum
Vitskapleg namn
Hordeum jubatum L., 1753

Skildring

Silkebygg veks i tuver, men finst òg som enstaka smale strå. Blada er 2-5 mm breie. På undersida er dei lodne, og dei har ikkje bladøyre. Akset er 3-8 cm langt, innleiingsvis er det gulgrønt og seinare raudtona, vanlegvis med parallell bust. Etter ei kort stund byrjar busten å spreia seg, og akset får snart ein bustete utsjånad som ein liten flaskebørste. Ytteragna til blomane er er børsteaktige og dei til sideblomane er 3-8 cm lange, medan midtblomane er 2-6 cm lange.

Vekststad

Silkebygg er rekna som ganske sjeldan i Skandinavia, og har den naturlege førekomsten sin i Nord-Amerika. Arten er blitt innført til Skandinavia dels som prydplante, men sannsynlegvis mest i lag med importvarer, noko som er avspegla av at det særleg er å finna på ruderatmark, avfallsplassar, ved jernbaner, vegkantar, hamner og på strender.

Kjelder

• Denne artikkelen bygger på «Ekorrkorn» frå Wikipedia på svensk, den 26. mai 2023.

• Mascher, Jan W.: Ångermanlands flora «Artförteckning», SBT-redaktionen, Lund 1990, s. 324. ISBN 91-971255-2-0. 
• Lid, Johannes: Norsk og svensk Flora, Det Norske Samlaget, Oslo 1963, s. 140. 
• Mossberg, Bo: Den nya nordiska Floran, Wahlström & Widstrand, Stockholm 2003, s. 857. ISBN 91-46-21319-8. 

Bakgrunnsstoff

• (no) Silkebygg hos Artsdatabanken
• (en) Silkebygg – oversikt og omtale av artane i WORMS-databasen
• (en) Silkebygg i Encyclopedia of Life
• (en) Silkebygg i Global Biodiversity Information Facility
• (sv) Silkebygg hos Dyntaxa
• (en) Silkebygg hos ITIS
• (en) Silkebygg hos NCBI
• (en) Silkebygg hos The International Plant Names Index
• (en) Silkebygg hos Tropicos
• (en) Kategori:Hordeum jubatum – bilete, video eller lyd på Wikimedia Commons
• (en) Hordeum jubatum – galleri av bilete, video eller lyd på Wikimedia Commons