Simferopol

Simferopol (ukrainsk Сімферополь; russisk Симферополь; gresk Συμφερόπολις, Symferopolis; krimtatarisk Aqmescit) er den nest største byen i Krim i Ukraina. Byen ligg ved elva Salhir og har kring 340 000 innbyggjarar (2006), dei fleste russarar. Simferopol er eit senter for politikk, økonomi og samferdsle på halvøya. Det er trolleybusssamband med Jalta.

Simferopol
Сімферопoль, Симферополь, Aqmescit
by
Flagg våpen
Kallenamn: Город пользы  (russisk) Byen for nytte
Land	Ukraina
Region	Krimhalvøya
Rajon	Simferopol kommune
Høgd	350 moh.
Koordinatar	44°56′53″N 34°6′15″E
Areal	107 km²
Folketal	340 600  (2006)
Folketettleik	3 183 / km²
Grunnlagd	1784
Borgarmeister	Viktor Ageev
Tidssone	EET (UTC+2)
•  Sommartid	EEST (UTC+3)
Postnummer	95000—95490
Retningsnummer	+380 652
Bilnummer	AK
Simferopol 44.948376°N 34.100039°E / 44.948376; 34.100039
Kart som viser Simferopol. Kart som viser Simferopol.
Wikimedia Commons: Simferopol
Nettstad: http://www.simferopol-rada.gov.ua

Arkeologiske funn syner at det fanst ein gammal skytisk by i Simferopol, ofte kalla Skytisk Neapol. Her låg òg den krimtatarisk byen Aqmescit. Etter at Krim-khanatet vart annektert av Det russiske imperiet fekk byen namnet Simferopol.

Soge

Skyterane hadde ein by på denne staden og den greske kolonien Skytisk Neapolis låg der .. På 1500-talet bygde krimtataraneane byen Akmechet der. I 1784 tok Det russiske imperiet byen og Krim-khanatet og endra namnet til Simferopol (Симферополь).

Under Krimkrigen (1854-1856) vart over 30 000 av dei russiske soldatane som forsvara byen drepne.

Den 13. november 1920 tok bolsjevikane byen frå dei kvite troppane, leia av general Pjotr Nikolajevitsj Wrangel (Пётр Николаевич Врангель). Den 19. oktober 1921 var Simferopol hovudstaden i Den autonome sosialistiske sovjetrepublikken Krim.

Under andre verdskrigen var byen under tysk okkupasjon frå 1. november 1941 til 13. april 1943. Meir enn 22 000 av innbyggarane vart massakrerte av tyskarane.

Medan Nikita Khrusjtsjov var generalsekretær i Det sovjetiske kommunistpartiet vart Krimhalvøya overført til Ukraina og Simferopol vart ukrainsk.

Geografi og klima

Simferopol ligg sør i det sentrale området av Krimhalvøya. Byen ligg ved elva Salhir og nær det kunstige Simferopolreservoaret, som gjev byen reint drikkevatn.

Byen har eit fuktig subtropisk eller maritimt klima (avhengig av kva versjon av Köppen si klimaklassifisering ein nyttar), nær grensa til fuktig kontinentalklima. Somrane er varme og med høg luftfukt, medan vintrane er kalde og våte, og ofte snørike. Middeltemperaturen i januar er 3 °C og 26,3 °C i juli. Nedbørsmengda er 509 mm i året og totalt er det i snitt 2569 soltimar på eit år.

Vêrdata for Simferopol, 1981-2010
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	20,4	21,9	28,7	31,5	34,2	37,7	39,3	39,5	37,2	33,3	28	25,4	39,5
Gjennomsnittleg maks °C	3,9	4,7	9,1	15,9	21,4	25,7	28,9	28,7	23,1	17	10,4	5,6	16,2
Døgnmiddeltemperatur °C	0,2	0,4	3,9	9,9	15,1	19,5	22,3	22	16,9	11,3	5,8	2	10,8
Gjennomsnittleg min °C	−2,9	−3,2	−0,3	4,8	9,5	13,9	16,5	16,1	11,2	6,8	2,2	−1,1	6,2
Lågast målte °C	−26	−30,3	−18,4	−11,1	−8,4	0,7	3,6	3,8	−5,1	−11,4	−21,7	−23,2	−30,3
Gjennomsnittleg nedbør mm	39	36	37	34	34	58	46	52	42	42	49	45	514
Gns. dagar med regn	12	11	11	11	10	11	8	7	10	11	13	13	128
Gns. solskinstimar i månaden	86,8	101,7	164,3	210	282,1	315	341	316,2	261	204,6	114	74,4	2 471,1
Kjelde: Pogoda.ru.net, Hong Kong Observatory for data of sunshine hours