Opna hovudmenyen

Simon van der Meer

nederlandsk fysikar

Simon van der Meer (24. november 19254. mars 2011) var ein nederlandsk ingeniør og fysikar. Han blei tildelt Nobelprisen i fysikk i 1984 for bidrag til å finna elementærpartiklane W- og Z-boson.

Simon van der Meer
Nobelprijswinnaar v.d. Meer en echtgenote op Huis ten Bosch met Koningin Beatrix, Bestanddeelnr 253-8884.jpg
Simon van der Meer (til venstre) med dronning Beatrix, kona si og prins Claus.
Fødd24. november 1925
Haag
Død4. mars 2011
Genève, Grand-Saconnex
NasjonalitetKongeriket Nederlanda
Områdefysikk
Yrkefysikar, oppfinnar
InstitusjonarCERN
Philips
Alma materDet tekniske universitetet i Delft
MedlemAmerican Academy of Arts and Sciences
Academia Europaea
Koninklijke Nederlandse Akademie van Wetenschappen

LivEndra

Van der Meer vart fødd i Haag. Han fullførte allmennutdanninga si medan Nederland enno var okkupert av Tyskland. Han studerte teknisk fysikk ved det tekniske universitetet i Delft og tok ingeniørgrad der i 1952. Han jobba han ved Philips forskingslaboratorium i Eindhoven fram til han vart han tilsett ved forskingssenteret CERN i Sveits i 1956. Her blei han verande til han pensjonerte seg i 1990.

Simon van der Meer var gift med Catharina M. Koopman. Dei fekk to born, Esther og Mathijs.[1]

ForskingEndra

I 1968 utvikla van der Meer stokastisk kjøling av partikkelstråler.[2] Metoden gjer at ein kan gje partikkelstråler meir einsarta energi og retning, og hadde avgjerande tyding for eksperimenta ved CERN. Han blei brukt i CERN sin partikkelakselerator Super Proton Synchrotron til å danna intense antiprotonstråler som kolliderte med mot-roterande protonstråler. Kollisjonane danna W- og Z-boson som blei observerte første gong i 1983 ved eit eksperiment]] leidd av Carlo Rubbia. Teorien om at bosona fanst hadde vore lagt fram nokre år tidlegare, og påvisinga av dei var ein viktig suksess for CERN. I 1984 delte van der Meer og Rubbia Nobelprisen i fysikk for dei viktige bidraga sine til prosjektet.[3]

KjelderEndra

  1. «Simon van der Meer - Biographical», nobelprize.org
  2. Nobel Press Release. Nobelprize.org (17 October 1984). Retrieved on 3 April 2014.
  3. The Economist, «Simon van der Meer», 19 March 2011, p. 96.