Sivert Strøm
Sivert Christensen Strøm (19. august 1819–13. november 1902) var ein norsk jurist og politikar, stortingsrepresentant i fem valbolkar og borgarmeister i Trondheim. Han var far til Boye Strøm.
| Sivert Strøm | |||
 | |||
| Fødd | 9. august 1819 Øyestad | ||
|---|---|---|---|
| Død | 13. november 1902 (83 år) | ||
| Statsborgar av | Noreg | ||
| Yrke | advokat, politikar | ||
| Barn | Boye Strøm, Albert Strøm, Hagbarth Strøm, Thorvald Strøm | ||
| Medlem | Klubselskabet Harmonien | ||
| Alle verv |
| ||
Strøm var fødd i Øyestad, far hans var sjømann og kaptein i kyst- og utanriksfart. Sjølv vart han student i 1841 og uteksaminert frå universitetet i Christiania som candidatus juris i 1845. Dei neste ti åra var han fullmektig hos fut i det nordafjeldske, frå 1856 overrettssakførar på Kongsvinger. År 1859 vart han utnemnd til sorenskrivar i Nordre Østerdalen, med bustad på Tynset. I 1867 tok han over som borgarmeister i Trondheim etter Emil Aubert. Dette embetet hadde han i 25 år.
Strøm vart vald til stortingsrepresentant for Hedemarkens amt i periodane 1859-60, 1862-64 og 1865-66. Seinare, 1871-73 og 1877-79, representerte han valkrinsen Trondhjem og Levanger. Han var medlem 1859-60, 1871-73 og 1877-79 av Lagtinget, sekretær i same 1862-63 og 1864, samt 1865-66. Elles var han medlem 1859-60 av militærkomiteen, og 1862-63 og 1865-66 av justiskomite nr 1. Formann 1871-73 i justiskomite nr 1 og 1877-79 i justiskomiteen.
1871-84 var Strøm medlem av styret (direksjonen) i Noregs Bank. Han var medlem av dei kongelege kommisjonane om vernepliktslova 1864, sportellønna embete 1866 og myntvesenet 1872.
Strøm kjøpte i 1874 garden Gløshaugen i Trondheim. Her budde han fram til han i 1896 selde garden til den norske staten. Sidan budde han i Kristiania, der han døydde i 1902.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914