Skongenes fyrstasjon

Skongenes fyrstasjon er eit fyr som ligg nordaust på Vågsøy i Kinn kommune, Vestland, på sørsida av Sildegapet og like sør for Stad.

Skongenes fyrstasjon

Fylke	Vestland
Kommune	Kinn
Funksjon	Lei- og innseglingsfyr
Oppretta	1870
Koordinatar	62°01.9517′N 5°7.4249′E
Fyrtårn
Høgd	10,0
Form	Fyrbygning med tårn
Fyrlys
Lyskarakter	To okkulterande lys kvart 8. sekund.
Lyshøgd	16,3 moh.
Lysvidde	12,8 nm
Status
Eigar	Staten
Automatisert	1985
Avfolka	1985
Skongenes fyrstasjon 62.0325°N 5.12361111°E / 62.0325; 5.12361111

Plasseringa til Skongenes fyrstasjon

I 1865 var fyrdirektøren på synfaring mellom Bergen og Stad og det vart sett på som nødvendig med eit leifyr på Skongeneset. Det vart bevila 6875 spesidalar til fyrstasjonen, som vart sett opp i 1870 og fyret vart tent 26. november same året. I 1875 vart det montert tåkeklokke av stål. Klokka gav ni slag med eitt sekunds mellomrom kvart femte minutt. I 1882 vart klokka bytta ut med ei ny klokke i metall som gav betre lyd. I 1932 vart bemanninga auka med ein assistent og det vart bygd ein ny assistentbustad.

Fyret vart angripe av allierte fly i mars 1945 og bustadane her vart hardt skadde. I 1949-1950 vart det derfor bygd nye bustader. Fyret vart omgjort til tørnstasjon i 1961, og den gamle assistentbustaden vart seld og rive ned. Fyret vart elektrifisert i 1963 og tåkeklokka vart skifta ut med ein nautofon som gav to støt kvart 30. sekund. Fyret vart automatisert og avbemanna i 1985.

I tillegg til sjølve fyret dannar fire bygningar eit indre tun. Fyrtårnet ligg mot nord, og i tillegg finn ein uthus, lager, fjøs, maskinhus og verkstad.

I dag vert det drive utleige av Skongenes fyr for overnattingsgjester. Det er tilkomst til fyret via sti, om lag ein times gåtur frå bilvegen.

Sjå òg

• Fyr i Noreg

Kjelder

• «Norsk fyrliste 2008 - side 287» (PDF - 15 mb). Kystverket. 
• «Skongenes fyrstasjon». Norsk Fyrhistorisk Forening.